POP 5

Lajmet më të lexuara të 5 minutave të fundit

Bota

Barack Obama rikthehet për të mbështetur Joe Biden, i drejtohet Donald Trumpit si xhaxha i çmendur (VIDEO)

Afrimi i momentit të zgjedhjeve presidenciale sjell në terren edhe ish presidentin Obama,i cili nuk ka nguruar ta quajë Trump një xhaxha të çmendur, ndërsa Presidenti i rikujtoi Obamës dëshpërimin që ai ndjeu në 2016 kur Hillary Clinton humbi garën për presidente. Orët e para të mëngjesit të së premtes do të mbahet edhe debati i fundit presidencial.

Gara presidenciale mes Joe Biden dhe Trump ndizet përherë e më shumë ndërkohë që kanë ngelur vetëm pak orë para debatit të fundit presidencial.

Në mbështetje të kandidatit demokrat Joe Biden ka dalë edhe ish- presidenti Barack Obama për të nxituar votuesit amerikanë të marrin pjesë në zgjedhjet presidenciale të 3 Nëntorit. Nata e mbrëmshme u shoqërua me akuza të ndërsjella mes Donald Trump dhe paraardhësit të tij, Barack Obama.

Obama e krahasoi Trump me një "xhaxha të çmendur" dhe theksoi se ai inkurajon racizmin.

“Ajo çka ndodh është fakti se nuk jemi në një reality show, jemi në realitet. Dhe ne të tjerëve na është dashur të jetojmë me pasojat në mënyrë ai t’i tregojë vetes se është i paaftë ta marrë seriozisht këtë detyrë. “. Tha Obama.

Nga Karolinën e Veriut, presidenti republikan  u tall me Obaman  ti rikujtojë fitoren ndaj Hillary Clinton, duke theksuar me Ironi se nëse kishte një person më të trishtuar se Hillary Clinton ai ishte Obama.Trump shfrytëzoi rastin të ankohej për rregullat për debatin e fundit presidencial të së enjtes, duke përfshirë planin për të mbyllur pjesërisht mikrofonët.

“Mendoj se mbyllja e mikrofonëve është e padrejtë dhe nuk është aspak mirë  që nuk do të flitet për politikën e jashtme. Duhej të flisnin për politikën e jashtme. Mendoj se moderatorja është e njëanshme. Prindërit e saj janë të njëanshëm. “tha Trump.

Me 13 ditë që kanë mbetur deri në mbajtjen e zgjedhjeve Biden kryeson ndjeshëm në shkallë vendi. Por diferenca është më e ulët në një numër të madh shtetesh të SHBA-së, të cilët mund të ndërrojnë balancat në moment të fundit.

Ndërkohë që në vend është shfaqur edhe një shqetësim i madh për ndërhyrjet nga Irani dhe Rusia, të cilët sipas tyre synojnë të frikësojnë votuesit amerikanë dhe të shkaktojnë trazira. Gjithashtu kanë marrë të dhëna për regjistrimin e votuesve me qëllim ndërhyrjen në zgjedhjet e SHBA.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    6 Nëntor, 09:49

    Fiton Trump, mendoni se do ndryshojë politika amerikane ndaj Shqipërisë?

Lajme të tjera



×

Lajmi i fundit

VIDEO/ Autograf nga Ernest Muçi, tifozja e Besiktas 'shpërthen' në lot

VIDEO/ Autograf nga Ernest Muçi, tifozja e Besiktas 'shpërthen' në lot

7 Nëntor, 15:20