Baraka ku po qëndronte u përfshi nga zjarri, 57-vjeçari në Sarandë ndërron jetë

Baraka ku po qëndronte u përfshi nga zjarri, 57-vjeçari në Sarandë ndërron jetë

Barakja ku qëndronte 57-vjeçari

SARANDË- Ilirian Xhani, 57-vjeç nuk ka mundur t’i mbijetojë dot  plagëve të marra nga djegia e rëndë që kishte prekur pothuajse 70 % të trupit pasi baraka në të cilën po qëndronte u përfshi nga flakët.

57-vjeçari ishte me origjinë nga Përmeti, por banor i Berdeneshit. Pas ndihmës së parë në urgjencën e Sarandës për shkak të djegies së rëndë 57-vjeçari  u dërgua me ambulancë për në spitalin e traumës në Tiranë. Por nuk ka mundur dot të arrijë në Tiranë, pasi humbi jetën gjatë rrugës.

Mësohet se ambulanca u kthye nga rruga, ndërkohë që trupi i tij është dërguar përsëri në Tiranë për të bërë ekspertizën mjeko - ligjore, sipas kërkesës hetimore të nisur nga vendngjarja me qëllim zbardhjen e rrethanave të ngjarjes.

Ngjarja e rëndë ndodhi mbrëmjen e së martës  rreth orës 22:15, në vendin e quajtur “Ish-ushqimorja”, në Çukë të Sarandës, në një magazinë elektro-shtëpiakesh, në kabinën e vendrojës, ku qëndronte Ilirian Xhani. Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit.

S.C/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Opozita akuzon Ramën për sulmin ndaj Berishës, si e vlerësoni?



×

Lajmi i fundit

Kërkuesi shkencor Etmond Elmazaj i dhuron bashkisë Mallakastër pajisje që ulin ndotjen e makinave

Kërkuesi shkencor Etmond Elmazaj i dhuron bashkisë Mallakastër pajisje që ulin ndotjen e makinave