POP 5

Lajmet më të lexuara të 5 minutave të fundit

Sport

Barça rikthehet të jetë e frikshme! Roma humb, por Mourinho thumbon Napolin: Urime për fitoren e pamerituar

Bilbao ishte ‘viktima’ e rradhës në La Liga për Barcelonën, që tani duket e egërsuar pas momentit të vështirë që kaloi. Ndërkohë në Itali Napoli ka marrë një fitore të rëndësishme në supersfidën kundër Romës, duke treguar pretendime të mëdha për titullin.

Barcelona është rikthyer të jetë e frikshme. Pas goditjes që mori në Champions League dhe El Clascio katalanasit kanë siguruar fitoren e dytë rradhazi në kampionat dhe këtë e kanë bërë duke mposhtur 4-0 Atletic Bilbao-n. Në Camp Nou Ousmane Dembele zhbllokoi që në minutën e 12, ndërsa po brenda pjesës së parë realizuan edhe Sergio Roberto e Robert Lewandowski.

Në pjesën e dytë rezultatin final e vulosi Ferran Torres, duke e ngjitur skuadrën e trajnerit Xavi në kuotën e 28 pikëve, 3 më pak se Real Madridi kryesues.

Ndërkohë më herët Atletico Madrid u rikthye te fitoret, duke mposhtur në transfertë 1-2 Betis-in. Ai që nderoi ekipin e Simeone-s ishte Griezman me ‘dopietë’, ndërsa për vendasit realizoi Nabil Fekir.

Sakaq në Seria A supersfida e javës së 11 mes Romës dhe Napolit u fitua nga 0-1 nga napolitanët. Heroi në kryeqytetin italian ishte Osimhen, i cili 10 minuta nga fundi realizoi golin me peshë 3 pikët. Me këtë fitore Napoli u çon një mesazh direkt kundërshtarëve për kampionat, pasi tani është në kuotën e 29 pikëve, 3 më shumë se Milani ndjekës. Në këtë 90 minutësh nuk munguan polemikat me protagonistin e pritshëm Jose Mourinho. ‘Special 1’ uroi Napolin për fitoren që sipas tij ishte e pamerituar.

Më herët një fitore me shumë vlerë mori edhe Lazio në fushën e Atalanta-s. Ekipi i drejtuar nga Sarri mposhti 0-2 Atalanta-n, me golat e Zaccagni-t në pjesën e parë dhe Anderson në të dytin. Ky triumf i dha mundësinë Lazio-s ti merrte vendin e tretë Atalanta-s, ndërsa të dy skuadrat janë në kuotën e 24 pikëve.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40