Bardh Spahia takim me bizneset turistike në Velipojë: Krijojmë kushte për turizëm gjithë vitin

Kandidati për deputet i PD-së në qarkun Shkodrës, Bardh Spahia, ishte i pranishëm në Velipojë, në një takim me bizneset turistike.

Ai akuzoi qeverinë se e ka braktisur Velipojën, ndërsa shtoi se prioritet i PD-së do të jetë zhvillimi ekonomik dhe turizmi.

Spahia shtoi se me planin e PD-së, do të krijohen kushte për turizëm gjithë vitin.

 “Braktisja e Velipojës do të marrë fund me 25 Prill, ndërkohë që është koha që biznesi të marrë frymë lirisht. Me programin e Partisë Demokratike, zhvillimi ekonomik është prioriteti kryesor, sepse nuk mund të pasurohen vetëm një grusht i vogël njerëzisht në kurriz të dhjetëra bizneseve të cilat sot rrezikojnë falimentimin”, tha Bardh Spahia.

TAG:
• Shkoder
• PD
• velipoje
• Bardh Spahia
• Fushate elektorale
• zgjedhjet parlamentare 2021