Bardheblutë lënë pas Partizanin, Orges Shehi: Kjo java e Tiranës, kishim 5 mungesa

Tirana fitoi 4-0 me Kastriotin për javën e 13-të në Superligës. Në "Air Albania" djemtë e Orges Shehit morën tri pikë të rëndësishme që e dërgojnë ekipin bardheblu në vendin e parë me 25 pikë, dy më shumë se Partizani ndjekës që u ndal 3-3 me Erzenin. Pas ndeshjes për Oversport foli trajneri i Tiranës, Orges Shehi. Durrsaku duket i kënaqur nga goleada dhe paraqitja e emrave të rinj që morën minuta për shkak të 5 mungesave.

“E rëndësishme është fitorja, aq më mirë që vjen me goleadë. Është një fitore që na kënaq. U munduam që të ruajmë lojtarë në pjesën e dytë, që të mos konsumonim energji, pasi ndeshjet janë shumë afër.

LEXO EDHE:
Renditja/ Partizani mund 1-2 Tiranën në derbi, Teuta zbret Kukësin në Kategorinë e Parë pas 12 vitesh! Brdaric debuton me tri pikë te Vllaznia

Java e Tiranës? Kur luan i fundit presioni është më i madh, sepse di edhe rezultatet e rivalëve. Ndoshta edhe ndalesa e rivalëve na dha një shtesë që të kërkonim me ngulm fitoren. Kishim probleme me mungesat. 5 lojtarë nuk ishin të gatshëm dhe aktivizuam lojtarë të rinj që premtojnë. Për të alternuar dhe për t'u dhënë mundësinë këtyre lojtarëve të rinj që të jenë pjesë e grupit.

U japim një sinjal lojtarëve që mund të jenë pjesë e skuadrës. Kastrioti i dobët? Unë vlerësoj skuadrën time për grintën, agresivitetin, sidomos në pjesën e parë. Pasi detyruam edhe kundërshtarët që të gabojnë”, tha Shehi.

Lajmi kryesor:

VIDEO/ Tirana 'poker' Kastriotit për kreun e Superligës, bardheblutë detyrojnë Çelën të dorëhiqet nga krutanët! Egnatia fiton në Shkodër dhe lë pas Vllazninë, Latifi gabon penalltinë

S.DH/Shqiptarja.com

TAG:
• orges shehi