POP 5

Lajmet më të lexuara të 5 minutave të fundit

Politikë

Bardhi kërkoi çregjistrimin e Bashës së kryetar i PD, shtyhet seanca në Gjykatën e Tiranës

Gjykata e Tiranës, shtyu për në 30 prill, seancën shqyrtimin e kërkesës së Gazmend Bardhit për çregjistrimin e Lulzim Bashës si kryetar i PD-së. Gjatë kësaj kohe kjo Gjykatë do të administrojë edhe vendimin e Gjykatës së Lartë, që ktheu për rigjykim në Apel çështjen e PD. Në të njëjtën seancë do të shprehet edhe për legjitimimin ose jo të grupit të Bashës si palë në proces.

Gjykata Civile e Tiranës shtyu këtë të martë seancën për shqyrtimin e kërkesës së kreut të grupit parlamentar të Rithemelimit, Gazment Bardhi, për çregjistrimin e Lulzim Bashës si kryetar i Partisë Demokratike.

Gjykata pritet t’i kërkojë Gjykatës së Lartë vendimin për vulën e PD, e cila riktheu sërish procesin në Apelin e Tiranës dhe pas kësaj do të mbajë qëndrim në lidhje me pranimin ose jo si palë në proces të Partisë Demokratike zyrtare. Përfaqësuesi ligjor i Partisë Demokratike, Rezart Kthupi tha se kërkesa për çregjistrimin e Bashës si kryetar është jolegjitime.

“Përfaqësimi i organeve të partisë ndaj të tretëve bëhet  nga kryetari i Partisë. Asnjë organ tjetër, përfshirë këtu edhe Kuvendin Kombëtar nuk mund të përfaqësojë partinë ndaj të tretëve. Këto organe kanë tagrin e rizgjedhje së kryetarit të ri, por jo të marrjes së tagrave të kryetarit. Në këto kushte, vakanca nuk zgjidhet duke i kaluar tagrat organit kolegjial, por zgjidhet duke zgjedhur kryetarin e ri të partisë” tha Rezart Thupi.

Nga ana tjetër, përfaqësuesi i Rithemelimit, Marash Logu, cilëson se Basha nuk është kryetar i PD dhe në kushte të tilla të pasqyrohet atë që ai e quan “realiteti i ri”.

“Këshilli Kombëtar ka adresuar çështjen që të fshihet emri i Lulzim Bashës dhe të pasqyrohet ai realitet që sot të gjithë e njohim, që Basha nuk është në kryetar i PD-së. Lulzim Basha nuk është kryetar i PD dhe nuk mundet që drejtimi i PD, legjitimitet i forcës opozitare në vend, të varet nga një vërtetim që merret me 200 lekë”, tha ai.

Ndërkohë seanca e radhës është vendosur të mbahet më 30 prill në orën 11:00, periudhë që vendimi i vulës do të ketë arritur te Civilja nga Gjykata e Lartë

SI.E./N.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Halit Valteri: Bardhi dhe Basha janë bashkë, do t’i marrin partinë Berishës

Halit Valteri: Bardhi dhe Basha janë bashkë, do t’i marrin partinë Berishës

30 Prill, 22:53