POP 5

Lajmet më të lexuara të 5 minutave të fundit

Politikë

‘Federatë opozitare’, Report Tv zbardh takimin e Bardhit me Nokën e Rithemelimit dhe aleatët! Edhe Basha ‘pjesë’

Gazment Bardhi duket se ka nisur lëvizjet për bashkimin e fronteve opozitare, për tu përgatitur për zgjedhjet parlamentare të 2025. Gazetarja e Report Tv, Danjela Maloku, mëson detaje mbi takimin që Bardhi ka zhvilluar disa ditë më parë me numrin 2 të PD së Rithemelimit, Flamur Nokën, aleatët Agron Duka dhe Fatmir Mediu si dhe përfaqësuesin e Partisë së Lirisë, Petrit Vasilin.

Deklaratat e Gazment Bardhit se shpejt, do të ketë zhvillime mbi bashkimin politik edhe jashtë parlamentit përmes një federate opozitare janë paraprirë nga disa takime të rëndësishme për t’i shërbyer këtij projekti me të cilën opozita synon daljen përballë Ramës në 2025. 

Gazetarja e Report Tv, Danjela Maloku, mëson detaje mbi takimin që Bardhi ka zhvilluar disa ditë më parë me numrin 2 të PD së Rithemelimit, Flamur Nokën, aleatët Agron Duka dhe Fatmir Mediu si dhe përfaqësuesin e Partisë së Lirisë, Petrit Vasilin. 

Sipas burimeve ekskluzive të Report Tv në takim është diskutuar pikërisht mënyra e bashkimit përmes kësaj federate e konkludimin sa më shpejt për shkak se tashmë ethet e zgjedhjeve parlamentare të 2025 kanë nisur të ndihen. 

Megjithatë krahas teknikaliteteve se si do të bëhet bashkimi në një federatë, në kushtet kur PD ende nuk ka zgjidhur çështjen e brendshme të vulës, ngërçi edhe këtu duket të jetë Lulzim Basha. Aleatët kanë kërkuar që të gjendet një rrugë e mesme që pjesë e federatës të jetë edhe Basha, si mbajtësi zyrtar i logos dhe vulës së PD, por kjo ide e tyre ka hasur kundërshtimin e Bardhit, Nokës e Vasilit. 

Kundërshtimin për përfshirjen e Lulzim Bashës në federatën e opozitës, një ditë më parë qoftë Gazment Bardhi, qoftë përfaqësuesit e Rithemelimit e kanë kushtëzuar me ‘kthimin e tij në rolin e opozitarit’, me pretendimin se nismat e tij kanë qenë pro-Ramës. 

Ideja e krijimit të Federatës u prezantua më 24 nëntor nga aleatët tradicionalë të PD, pasi përgjatë dy viteve palët në këtë forcë politike kanë dështuar për bashkimin.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alibeja: 10/01/2024 12:53

    Lulo mos bej gabim te bashkohesh me idjot Bardhin dhe injorant Noken se tani ata mbeten si peshku pa uje dhe duan te hane ndonje cop mish se nuk kane me ku te shkojne dhe duan te perfitojne nga gabimet e lulit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13