Bardhi: Qëllimi i ‘Foltoreve’ të Berishës, dëmtimi i PD! Hoqi gishtin e përgjegjësisë nga Rama për 'masakrën zgjedhore' dhe e drejtoi nga Basha

 

Në intervistën për Report Tv, Sekretari i Përgjithshëm i Partisë Demokratike, Gazment Bardhi është shprehur se “Foltoret” e Sali Berishës nuk kanë qëllim bashkimin e demokratëve, siç ai pretendon, por dëmtimi i kryetarit të PD, Lulzim Basha. Për këtë, ai jep edhe argumente se përse mendon se Berisha po dëmton demokratët. 

“Nga njëra anë të pranosh masakrën e 25 prillit dhe nga ana tjetër të heqësh gishtin e drejtuar ndaj Edi Ramës dhe ta drejtosh te Lulzim Basha do të thotë që nuk i shërben interesit të demokratëve. Pas 10 shtatorit nuk flasin më për masakrën zgjedhore të kryer na Edi Rama po flasin për përgjegjësinë  e Lulzim Bashës. Kjo pastaj nxjerr zbuluar synimin që ka patur lëvizja e zotit Berisha që është dëmtimi i kryetarit të PD, dëmtimi i demokratëve”, tha Bardhi.

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Ai tha se kjo lëvizje e Berishës, e ka hequr vëmendjen nga të bërit opozitë dhe se nuk është gjë tjetër veçse baltosje e figurës së Lulzim Bashës.

“Për fat të keq nga lëvizja e zotit Berisha është shfokusuar vëmendja e opinionit publik dhe veprimtarisë politike të PD në raport me të bërit opozitë dhe oponencë ndaj regjimit të Edi Ramës. Ne kemi vijuar prej fillimit të legjislaturës punën tonë si opozitë duke paraqitur në Kuvend cështje që janë në interes të qytetarëve, ndërkohë që një pjesë e vogël e partisë e ka përqëndruar gjithë aksioni n e vet politik sulme sulme sulme dhe baltosje ndaj lidershipit të partisë. Dhe kjo ka sjellë një shfokusim të vëmendjes së demokratëve në atë mision që ne kemi, përballjen me Edi Ramën”, tha Bardhi.

Lajmi kryesor:

Kuvendi i 18 Dhjetorit/ Bardhi për Report Tv: Të ftuar të gjithë, edhe Berisha! Kemi shumicën e anëtarëve në krah! ‘Foltoret’, sulm dhe baltosje ndaj nesh!

B.K./LR/Shqiptarja.com

TAG:
• lulzim basha
• PD
• sali berisha
• gazment bardhi
• perplasja berisha basha