Bardhi takon demokratët në Kamzë: Janë në presion dhe kërcënim, por gati për fitore

TIRANE-Sekretari i përgjithshëm i PD-së, Gazmend Bardhi pas disa takimeve të zhvilluara me demokratët në Kamzë, Paskuqan, Vorë dhe Rrogozhinë shkruan se me gjithë presionin e vazhdueshëm janë gati për t'i dhënë opozitës energjinë e fitores.

"Banorët e Kamzës, Paskuqanit, Vorës dhe Rrogozhinës janë më të diskriminuarit dhe më të papërfaqësuarit. Ata drejtohen nga kryebashkiakë ilegjitimë, të votuar nga vetëm 6 përqind e elektoratit, si në rastin e Kamzës. Megjithë presionin, kërcënimet dhe padrejtësitë, demokratët në Kamëz, Paskuqan, Vorë dhe Rrogozhinë janë në kontakt të vazhdueshëm me qytetarët, të gatshëm t’i japin Partisë Demokratike dhe opozitës energjinë e fitores.

 Sëbashku po punojmë që t’u kthejmë qytetarëve të drejtën për të zgjedhur, të drejtën për të kërkuar llogari, të drejtën për të shkarkuar kryeministrin dhe kryebashkiakun që nuk mban premtimet. Pushteti vendor duhet t’u kthehet qytetarëve, që me votë të lirë të zgjedhin kryebashkiakun që punon për interesin e tyre dhe jo të qeverisen nga shërbëtori i radhës i pushtetit të kriminalizuar të Edi Ramës" shkruan Bardhi.

TAG:
• PD
• gazmend bardhi