Bari, arrestohet shqiptari
me 25 kg marijuanë

Ushtarakët e komandës provinciale të Guardia di Finanza të Barit në bashkëpunim me funksionarët e zyrës doganore, gjatë një kontrolli zbuluan të fshehur në një makinë, Ford Focus, 25 kg marijuanë.

Automjeti drejtohej nga një 22 vjecar shqiptarë, i cili sapo kishte zbarkuar nga trageti “Superfast” që vinte nga Greqia.

Me një pamje të qetë dhe me një fytyrë prej djali të mirë, 22 vjecari nuk arriti të gënjente financierët e grupit të Barit, të cilët arritën të zbulojnë sasinë e drogës të fshehur në sedilet dhe parafangot e automjetit.

I riu është deklaruar i pafajshëm, duke thënë se nuk dinte asgjë mbi drogën e fshehur. ah/Shqiptarja.com/