Barrett, kandidatja për Gjykatën e Lartë amerikane në dëgjesën e parë publike.

Fillojnë sot dëgjesat e para për kandidaten demokrate Amy Coney Barrett, e nominuara për Gjykatën e Lartë e Presidentit amerikan Donald Trump. Juristja 48-vjeçae  është zotuar të gjykojë çështjet ligjore në mënyrë të paanshme.

Në seancën e parë dëgjimore ajo do të shpjegojë filozofinë e saj ligjore dhe kualifikimet për postin e përjetshëm. Nëntë gjyqtarët e gjykatës së lartë shërbejnë  me emërime gjatë gjithë jetës dhe vendimet e tyre  kanë ndikuar në politikat afatgjata nga armët dhe tek të drejtat e votës, aborti apo  financimet e fushatës.

Demokratët kanë kritikuar lëvizjet e republikanëve për konfirmimin e Barret përpara zgjedhjeve presidenciale të 3 nëntorit  dhe krizës së shkaktuar nga Covid-19.  Miratimi i saj do të çimentonte një shumicë konservatore në Gjykatën e Lartë, me një shumicë 6-3, duke zhvendosur ekuilibrin e saj ideologjik për dekadat e ardhshme.

Presidenti Donald  Trump zgjodhi gjyqtaren Barrett për të zëvendësuar  të ndjerën Ruth Bader Ginsburg.

Republikanët - të cilët aktualisht mbajnë  shumicën në Senatin e SHBA, organi që emëron gjyqtarët e Gjykatës së Lartë - tani po përpiqen të përfundojnë procesin përpara se Trump të  përballet me rivalin demokrat Joe Biden në zgjedhje.

Pas përfundimit të dëgjimit, çdo anëtar i komisionit mund të kërkojë një javë shtesë para votimit zyrtar. Pas kësaj Senati  do të votojë për të konfirmuar ose refuzuar emërimin e gjykatëses. 

 

TAG:
• SHBA
• Trump
• Senati amerikan
• gjykate