Taksapaguesit amerikanë përmes ndërhyrjes së çmuar të ambasadorit Lu dhe qeverisë amerikane kanë vënë në dispozicion miliona dollarë, për të trajnuar prokurorët dhe punonjësit e policisë që do të jenë pjesë e kësaj strukture për të hetuar korrupsionin e nivelit të lartë. Çfarë presin, pse vonohet? Ndaj sot dua të autorizoj kryetarin e Grupit Parlamentar që nesër në seancë plenare ti kërkoj Kuvendit miratimin me procedurë të përshpejtuar të ligjit për Byronë Kombëtare të Hetimit”, u shpreh Basha. Teksa kryefjalë e deklaratave të kryetarit demokrat ka qenë bllokimi i reformës në drejtësi nga kryeministri Edi Rama, shefi i opozitës e akuzoi atë dje edhe për zvarritjen e ligjit të Byrosë Kombëtare të Hetimit.
“Problemi, i tyre është korrupsioni. Korrupsioni, krimi, janë përgjegjësit e dështimit apo përkeqësimit në çdo fushë. Sot kjo qeverisje mund të përmblidhet në dy fjalë, para dhe propagandë. Para jo për njerëzit, jo për qytetarët, kuleta e të cilëve vetëm sa është holluar, para për vete dhe për klientët e tyre”, tha ai. Basha tha se është kryeministri Rama që pengon dhe nuk do reformën në Drejtësi duke u shprehur se janë thjeshtë fjalë ata që thonë se Partia Demokratike dhe Ilir Meta nuk e duan reformën në drejtësi. “Nuk të beson më askush, as ty, as kasnecët e tu kur bredhin lartë e poshtë në perëndim duke thënë që opozita nuk e do reformën, që Ilir Meta nuk e do reformën. Opozita e do reformën, opozita është gati të bëjë gjithçka për reformën.
Ndaj t’i lemë llafet, të ulemi, ti japim shqiptarëve një drejtësi të reformuar. Përndryshe barra e përgjegjësisë për këtë dështim është qartësisht e Edi Ramës dhe kupolës së tij. Sikundër akuza që i bëj sot si kryetar i opozitës, por që është akuza legjitime e çdo qytetari syhapur dhe të vëmendshëm ndaj aferave në këtë vend është se reforma në drejtësi e tremb Edi Ramën”, theksoi Basha. Në kushtet kur reforma në sistemin e drejtësisë ka ngecur politikisht, pavarësisht se drafti i ekspertëve dhe dy opinionet shoqëruese, ai i PD dhe LSI, po shqyrtohen nga Komisioni i Venecias, kryetari i Partisë Demokratike Lulzim Basha i përsërit ftesën kreut të mazhorancës, Edi Rama, për ngritjen e një tryeze politike.
“Zotit Rama s’i mbetet veçse të përgjigjet drejt, pa spërdredhje. Nëse është për reformën në drejtësi është i mirëpritur dhe këtë ftesë që po ia drejtoj unë, kryetari i opozitës. Të ulemi pa humbur kohë dhe të kryejmë një tjetër proces si ai që të gjithë po e lavdërojnë sot, edhe ata që nuk e deshën dhe që në fakt nuk e duan akoma por që s’kanë çfarë të bëjnë, procesi i dekriminalizimit”, deklaroi Basha. Demokratët ndryshuan qëndrim lidhje me ligjin e Byrosë, pas asistimit të tij nga ekspertët amerikanë.
Konsensusi
“Byroja Kombëtare e Hetimit duhet të futet në rendin e ditës ditën e enjte. S’ka mbetur gjë tjetër për t’u rakorduar. I kërkojmë Kuvendit miratimin e ligjit me procedurë të përshpejtuar”