Basha drekon me teknikët: U
sabotuan dhe u sulmuan/ FOTO

Kryetari i PD, Lulzim Basha ka drekuar me ministrat teknikë që ishin pjesë e qeverisë Rama për të monitoruar procesin e zgjedhjeve të 25 qershorit.
 
Basha thotë se misioni i tyre u sfidua nga mungesa e mbështetjes politike, mosbashkëpunimi dhe sabotimi, por ata, sipas tij shërbyen me kurajo, integritet dhe përkushtim duke përballuar sulme dhe sprova të mëdha.
 
“Sot pata një drekë falenderimi me ministrat teknikë. Misioni i tyre u sfidua nga mungesa e mbështetjes politike, mosbashkëpunimi dhe sabotimi, por ata shërbyen me kurajo, integritet dhe përkushtim, duke përballuar sulme dhe sprova të mëdha. Duke ju shprehur mirënjohjen time të thellë, ju urova suksese në angazhimet e tyre profesionale e publike në të ardhmen” shprehet Basha.
 
Gjashtë ministrat teknikë të PD dhanë dorëheqjen në 16 gusht, rreth 2 muaj pas përfundimit të zgjedhjeve, ndërsa paraqitën edhe një raport me të gjitha shkeljet që u evidentuan sipas tyre.
 
Raporti iu dorëzua Ramës, por edhe ndërkombëtarëve nga zv/ kryeministrja Ledina Mandija.
 
Ministrat teknikë Rama i emëroi me propozim të Bashës në bazë të marrëveshjes së 18 Majit, si garanci për zgjedhjet, por në fund PD sërish i kontestoi.
 
Ministrat teknikë që ishin pjesë e qeverisë;
Lendina Mandija  Zv.kryeministre
Dritan Demiraj Ministri i Brendshëm
Helga Vukaj Ministre e Financave
Mirela Karabina ministre e Arsimit
Gazmend Bardhi Ministër i Drejtësisë
Xhuljeta Kërtusha Ministre e Mirëqenies Sociale
Arben Beqiri Ministër i Shëndetësisë


Basha me tekniket

dy.b/shqiptarja.com