TIRANE - Kryebashkiaku Lulzim Basha ka votuar sot në Tiranë në çerdhen nr.13 në orën 10:00. Pas votimit, ai deklaroi: “Uroj që procesi zgjedhor që ka nisur para disa orësh të vazhdojë me të njejtin shpirt që ka nisur dhe qytetarët të marrin pjesë, sepse ky është momenti kur qytetarët duhet të thonë fjalën e vet.

Me këtë rast u bëj thirrje të gjithë që të vazhdojnë administrimin e procesit në përputhje me Kushtetutën duke garantuar një process normal. Uroj një ditë të mbarë, triumfi të identitetit dhe përkatësisë sonë europiane mbi çdo axhendë tjetër,”- përfundoi ai.  Lidhur me incidentin në Laç, Basha tha: “Nuk kam informacion për këtë, isha duke ardhur në qëndrën e votimit”

Redaksia online
(ar.sh/shqiptarja.com)