POP 5

Lajmet më të lexuara të 5 minutave të fundit

Arkiva

Basha me biznesmenët në Roskovec
e Fier: Vendi në greminën e mjerimit 

Kryetari i Partisë Demokratike, Lulzim Basha ka zhvilluar një takim me tregtarë dhe banorë të Fierit dhe Roskovecit ku ka biseduar me ta për shqetësimet që lidhen për të ardhmen, çmimin e energjisë dhe rënien e fuqisë blerëse. Qytetarët kanë shprehur zhgënjimin për votën e dhënë për mazhorancën me 23 qershor, votë e cila u ka shkaktuar sot dhimbje të mëdha.  VIDEO
Basha me biznesmenët në Roskovec<br />e Fier: Vendi në greminën e mjerimit 
TIRANË - Kryetari i Partisë Demokratike, Lulzim Basha ka zhvilluar një takim me tregtarë dhe banorë të Fierit dhe Roskovecit ku ka biseduar me ta për shqetësimet që lidhen për të ardhmen, çmimin e energjisë dhe rënien e fuqisë blerëse. Qytetarët kanë shprehur zhgënjimin për votën e dhënë për mazhorancën me 23 qershor, votë e cila u ka shkaktuar sot dhimbje të mëdha.

"Halli i ka bashkuar njerëzit. Vendi po shkon drejt greminës, jo në drejtimin e duhur. Në greminë do të bien të gjithë, të djathtë e të majtë. Kjo është gremina e mjerimit, e varfërisë, e taksave të larta, e çmimeve të larta, kur në fakt u premtua e kundërta. Vota me 23 qershor u mor me premtimin se do të uleshin taksat, me premtimin se do të ulej çmimi i energjisë, me premtimin se do të ulej çmimi i naftës e do të hapeshin 300 mijë vende të reja pune", tha Basha.

Ndërsa ka dëgjuar shqetësimet e banorëve të Roskovecit, Basha u ka kujtuar se kandidatja e mazhorancës dje deputete nuk kundërshtoi asnjëherë asnjë nga nismat e qeverisë për rritje të çmimit të energjisë, naftës, rritje  taksash etj, madje ajo votoi dhe kundër propozimeve të opozitës për ulje çmimesh dhe taksash e  nxitje të hapjes së vendeve të reja të punës.

"Edi Rama me hipokrizi flet për dashuri ndaj grave, por respekti tregohet"- u shpreh Basha, duke shtuar se duhet t'ua lehtësojmë jetën dhe jo t'ua vështirësojmë atë. 

"Të votojmë me 21 qershor platformën tonë të uljes së taksave, të uljes së çmimit të energjisë, të uljes së çmimit të naftës, të rritjes së rrogave dhe pensioneve si rruga e vetme për të nxjerrë vendin nga kriza"!, u shpreh Basha.

Redaksia Online
(a.h/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55