POP 5

Lajmet më të lexuara të 5 minutave të fundit

Politikë

Basha: Me prioritet ndërtimi i rrugës
 që s'përfunduam, Kardhiq-Delvinë

Kryetari i Partisë Demokratike Lulzim Basha ka diskutuar platformën ekonomike të PD-së me biznesmen dhe tregtarë të Gjirokastrës.  VIDEO
Basha: Me prioritet ndërtimi i rrugës<br /> që s'përfunduam, Kardhiq-Delvinë
Kryetari i Partisë Demokratike Lulzim Basha ka diskutuar platformën ekonomike të PD-së me biznesmen dhe tregtarë të Gjirokastrës. Gjatë vizitës së tij, Basha është ndalur në rrugën Kardhiq – Delvinë, një projekt i nisur nga PD, por i pa përfunduar ende, për të cilin ai tha se do të jetë prioritet i mandatit të tij nëse fiton zgjedhjet e 2017.

"Rrugën Kardhiq-Delvinë e kemi në krye të listës së prioriteteve të zhvillimit të infrastrukturës dhe ne do të investojmë për përfundimin e kësaj rruge", tha Basha.

Më tej Basha ka parë nga afër një rezervat të kultivimit të peshkut në Cepo, ku tha se PD do të ul nga nga 15 në 9% taksën e sheshtë si dhe TVSH-në nga 20 në 15 %.
 
"Ne do të fillojmë në vitin e parë me 100 milionë dollarë subvencionim të drejtpërdrejtë për sektorin e bujqësisë, agrobiznesin dhe sektorin ushqimor në tërësi dhe përfitues të kësaj do të jenë padyshim edhe rritësit e peshkut,' tha kreu i opozitës.

Kreu i demokratëve nuk ka lënë jashtë vëmendjes edhe familjet në vështirësi ekonomike, si ajo e Sokol Lukës dhe Arben Llavdonitit, ku familja e këtij të fundit prej 3 muajsh nuk ka energji elektrike.

Me këtë rast Basha premtoi se do të ul çmimin e energjisë.

"Çmimi i energjisë do të ulet për të gjithë ata që konsumojnë nën 300 kw. Për familjet në ndihmë ekonomike deri në 200 kë do të jetë pjesë e ndihmës që do të japë shteti. Për familjet që janë siç je ti një familje punëtore ne do të mundësojmë që çmimi i energjisë të jetë  i përballueshëm dhe i pagueshëm," premtoi kreu i PD.

Ndërkohë gjatë ndalesës në tregun e Gjirokastrës si dhe në një kompani fasonësh, Basha është shprehur se rritja e pagës minimale, ulja e çmimit të energjisë dhe ulja e moshës së pensionit janë pjesë e platformës së Partisë Demokratike .

Ulja e taksave sipas planit ekonomik të Bashës do të përkthehet në rritje të pagave për punëtorët e sipërmarrjeve në Shqipëri si dhe do të ndihmojë në hapjen e vendeve të reja të punës.

Redaksia online
(u.s/shqiptarja.com)
 
 

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

26 Dhjetor, 10:05 nga Armand Braho