POP 5

Lajmet më të lexuara të 5 minutave të fundit

Politikë

Basha me të rinjtë e Vorës: Do të 
financojmë bizneset që ju punësojnë

Kryetari i Partisë Demokratike Lulzim Basha në një bashkëbisedim me të rinjtë e Vorës, është shprehur se ka vendosur të sjellë një model të ri dhe standard të ri në politikën shqiptare.  VIDEO
Basha me të rinjtë e Vorës: Do të <br />financojmë bizneset që ju punësojnë
Kryetari i Partisë Demokratike Lulzim Basha në një bashkëbisedim me të rinjtë e Vorës, është shprehur se ka vendosur të sjellë një model të ri dhe standard të ri në politikën shqiptare.

Dhe kjo do të dëshmohet  me zgjedhjet “një anëtarë- një votë” për zgjedhjet e drejtuesve të partisë dhe Forumit Rinor, dhe do ta vazhdojë me përzgjedhjen e kandidatëve të rinj për deputet. 35% e kandidatëve do të jenë të rinj, por përveç kësaj risie e veçantë është dhe përzgjedhja e tyre sipas modelit amerikan të përballjes.

"49 kandidatë nga 140 kandidatët e ardhshëm do të zgjidhen me votën e drejtpërdrejtë nga radhët e rinisë demokrate. Ju do të nxirrni dhe evidentoni përmes gjykimit  dhe votës tuaj, më të mirët ata që ju përfaqësojnë më së miri. Do të rreshtoni ata me denjësi në listën e betejës tonë të ardhshme që do të jetë lista e vlerave përballë listës së antivlerave. Do të jetë lista e besimit përballë listës së dëshpërimit. Do të jetë lista e shpresës përballë listës së zhgënjimit dhe depresionit.

Sa i përket arsimimit, Basha është shprehur se tarifat do të ulen përmes bashkëfinancimit direkt për çdo student nga buxheti.

"Tarifat do të ulen, arsimi i lartë do të garantohet për të gjithë ata që e dëshirojnë dhe ne do të bashkëfinancojmë në mënyrë të ndershme dhe konkurruese të gjitha institucionet e arsimit të lartë publike dhe jopublike, me qëllim që djemtë dhe vajzat e shqiptarëve të kenë mundësi të realizojnë ëndrrën e tyre pa u bërë barrë shtesë për prindërit dhe xhepat e tyre të varfëruar e të goditur nga taksat e larta dhe nga paudhësitë e qeverisjes Rama-Meta." ka deklaruar Basha.
 
Po ashtu Basha ka thënë se PD do të mbështesë kompnitë që punësojnë të rinjtë.

"Ne do të ftojmë kompanitë më të mëdha të botës, do të financojmë ekspertët e tyre më të mirë për të orientuar degët e veçanta të teknologjisë së informacionit, degë të mësimdhënies dhe përgatitjes së kuadrove më të afte në mënyrë që ata të shërbejnë në parqe teknologjike që do të hapin këtu në Shqipëri. Natyrisht jo në kushtet e Shqipërisë së Shullazit, jo në kushtet e Shqipërisë së Arben Ahmetajt e të Edi Ramës e Ilir Metës por në kushtet e një Shqipërie që ofron regjimin më të favorshëm fiskal, sigurinë për të investuar, në kushtet e një qeverisje që subvencionon për çdo vend pune të ri që hapet për të rinjtë dhe të rejat shqiptare."

Redaksia online
(u.s/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23