POP 5

Lajmet më të lexuara të 5 minutave të fundit

Politikë

Basha: Data e përballjes së parë me qeverinë do jenë zgjedhjet e ardhshme! Kemi përfunduar hartimin e programit qeverisës (VIDEO)

Kreu i partisë Demokratike ka zhvilluar sot (4 shkurt) takime në Roskovec dhe Patos të Fierit në kuadër të Kuvendit Zgjedhor në degët e PD-së. 

FIER- Kryetari i Partisë Demokratike, Lulzim Basha ka zhvilluar ditën e sotme një takim në Roskovec dhe në Patos në kuadër të Kuvendit Zgjedhor të degëve të partisë.

Teksa u bëri thirrje anëtarëve të PD-së që të marrin pjesë në procesin e votimit për zgjedhjen e kreut të degës së Roskovecit, Basha u shpreh i bindur se shumica e shqiptarëve duan ndryshimin e qeverisjes dhe tha se data e parë e përplasjes do të jetë ajo e zgjedhjeve të ardhshme parlamentare që pritet të mbahen në 2025-ën.

“Data e parë e përplasjes do të jenë zgjedhjet e ardhshme. Përballja e kësaj qeverie me një shumicë shqiptarësh, edhe votues socialistë që ndoshta nuk duan të futen në debatet ideologjike por që e mallkojnë Edi Ramën dhe qeverisjen e tyre sepse po ua zbraz shtëpitë, duke ua larguar fëmijët në emigracion”- u shpreh Basha.

Për situatën që PD kalon prej dy vitesh, kryedemokrati duke thumbuar ish-kryeministrin Sali Berisha tha se pati një betejë për të ndarë përfundimisht nëse partia Demokratike është parti e një njeriu të vetëm apo parti e demokracisë.

“Ajo që kemi kaluar së bashku është momenti më i vështirë jo vetëm për PD-në. Por një luftë të tillë brenda llojit për shpirtin dhe zemrën e PD, për të ndarë një herë e mirë se cfarë është PD pronë e një njeriu të caktuar apo parti e demokracisë. Kjo betejë u shpalos me egërsi të madhe me propagandë të jashtëzakonshme që në një situatë normale do ta shpërbënin PD-në. Merita që qëndroi nuk i takon askujt në veçanti por u takon juve këtu gjithë bashkë. Ju qëndruat në një kohë jo normale dhe kjo u bën lider, kapitenë të moralit dhe qëndresës që nuk bëtë llogaritë tuaja të vogla por menduat gjithçka përtej interesit personal”- u shpreh Basha.

Sipas Bashës, PD është i vetmi faktor politik të cilit qeveria i trembet ndërsa u shpreh se ka përfunduar hartimi i programit të qeverisjes.

“I vetmi faktor politik të cilit i tremben është partia Demokratike e Shqipërisë. PD ka përfunduar hartimin e programit të vetë qeverisës, asnjë shtresë shoqërore nuk është mënjanuar në këtë program. Ekspertët tonë më të mirë të Gjermanisë dhe SHBA-ve po bëjnë rishikimin dhe ndihmën në mënyrë që ky program të jetë në përputhshmëri të plotë me objektivat tona”- shtoi ai.

Ndërsa gjatë takimit që pati me mbështetesit e PD në Patos, kryedemokrati Lulzim Basha tha se prioritetet kryesore të Partisë Demokratike janë mbështetja pa kushte ndaj SPAK dhe Reforma Zgjedhore, për të cilën ka propozuar 4 pika të caktuara.  

Rendit zhvillimet sipas orarit:
Ora 13:20
Basha: Reforma Zgjedhore dhe mbështetja pa kushte ndaj SPAK, 2 prioritetet kryesore të PD

1707051038_lulzimbasha.PNG

Kryetari i Partisë Demokratike, Lulzim Basha teksa u ndal edhe në Patos në kuadër të procesit për Kuvendin Zgjedhor të degëve të PD, akuzoi qeverinë si dhe Rithemelimin se duan ta kenë nën kontroll SPAK-un. 

Ndërsa theksoi sërish se prioritetet kryesore të PD janë Reforma Zgjedhore dhe mbështetja pa kushte e SPAK. 

"Para një jave e treguan se si janë të përfshirë të gjithë në ferat më të mëdha në vend. Që nga kanabizimi i vendit në vitet 2015-2016, tel aleancat me krimin e deri tek afera e inceneratorëeve. Ndaj duan ta kenë në kontroll SPAK-un, pasi e ka vjedhur shtetin me tendera korruptiv. Ndaj ne jemi në krah të drejtësisë dhe SPAK në luftën kundër korrupsionit. Korrupaioni nuk ka ngjyrë e për këtë kushdo që ka abuzuar me paratë e shqiptarëve të shkojë para drejtësisë. Ndaj Reforma Zgjedhore dhe mbështetja pa kushte ndaj SPAK, janë dy prioritete kryesore për PD"- u shpreh Basha. 

B.V/Shqiptarja.com

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tironci: 04/02/2024 16:50

    Shyqyr qe u ktheve o legjende , na prij drejt fitoreve te metejshme,( o te q,,,, rracen o flok lym muti ordiner)

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29