Basha në Shkodër: Jemi të bashkuar dhe nuk dorëzohemi! Shqiptarët s'kanë shpresë tjetër veç PD për t’i nxjerrë nga qorrsokaku i 25 prillit (VIDEO)

Kreu i PD-së, Lulzim Basha, i pranishëm në Shkodër theksoi edhe njëherë se nga procesi i zgjedhjeve për kryetar në PD, që do mbahen më 13 qershor, kjo parti do të dalë edhe më e fortë dhe e bashkuar.

Ndonëse nuk mundi të fitojë besimin e shqiptarëve, duke humbur në 3 palë zgjedhje radhazi, sërish për Bashën PD është e vetmja shpresë e shqiptarëve për një të ardhme më të mirë.

"Shumica dërrmuese e shqiptarëve që e donin ndryshimin me 25 prill edhe ata që u penguan ta votonin me 25 prill. Organizimi i tyre, marrja e tyre me vete, nisja një orë e më parë e betejës për të mposhtur këtë regjim, për të rikthyer legjitimitetin, për të rikthyer demokracinë dhe përmes saj ndryshimin që mund ta sjellim vetëm ne, ky është objektivi im i vetëm, kjo është kërkesa që parashtroj sot para jush. I kemi të gjitha mekanizmat për ta mbajtur ndezur flakën e shpresës për ndryshim në shpirtrat e njerëzve, e kemi gjithë forcën e nevojshme për ta rrëzuar këtë regjim plaçkitësish. Tani gjithçka varet nga ne. Të qëndrojmë të vendosur, të qëndrojmë të bashkuar, e t’i shkojmë betejës deri në fund. Kjo është oferta dhe kërkesa ime. Sikundër dua ta konsiderojmë 13 qershorin një datë të rëndësishme dhe jo një ditë rutine. Pas 25 prillit, ky është testi i parë jo vetëm për anëtarësinë, por edhe shqiptarët, për mbështetësit tanë dhe për të gjithë të tjerët për të parë sjelljen tonë, gjendjen tonë, forcën tonë", tha Basha.

LEXO EDHE:
PD: Balluku shfaqje nëpër fasoneri, euro në pikiatë

Ai hodhi akuza për kryeministrin Edi Rama, Tom Doshin dhe eksponentë të tjerë të PS, duke theksuar se përmes një rrjeti kriminal vota shkoi deri në 300 euro.

"Masakra zgjedhore e 25 prillit nuk njihet e nuk do të njihet kurrë nga unë, nga pozitat e kryetarit të Partisë Demokratike, nuk e njoh dhe nuk shkel mbi vullnetin e tjetërsuar të shqiptarëve. Pavarësisht gjithçkaje, pavarësisht prej masakres zgjedhore që çerdhen e ngriti në Shkodër, në çerdhet e krimineleve të Tom Doshit me shokë, në çerdhet e të shiturve, në çerdhet e zyrtarëve të korruptuar që e çuan votën nga 100 në 300 euro, nga Puka në Shkodër e kudo tjetër. Pavarësisht të gjitha këtyre dhe qindra e qindra faktorëve të tjerë që gjithsecili nga jush i ka ndjerë në lëkurë e mund të dalë e t’i përmend nga kjo foltore më mirë se unë, fakti është që shqiptarët nuk kanë shpresë tjetër", shtoi ai.

TAG:
• edi rama
• Shkoder
• lulzim basha
• PD
• zgjedhjet ne pd

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq