Takimi i partive të djathta, Basha sërish në SHBA: Diskutuam mbi forcimin e demokracisë dhe luftën ndaj korrupsionit

Ish-kryetari i Partisë Demokratike, Lulzim Basha, ndodhet në SHBA, ku është ftuar për forumin e partive të djathtave në SHBA, i cili ka nisur një ditë më parë.

Në këtë forum marrin pjesë personalitet të së djathtës nga e mbarë bota. Në një foto të publikuar nga Basha, thotë se ka takuar Presidentin e Institutit Ndërkombëtar Republikan Daniel Twining në selinë e IRI në Washington.

Basha thekson se diskutuam gjerësisht mbi situatën në Shqipëri, domosdoshmërinë e forcimit të demokracisë, shtetit të së drejtës, luftën kundër krimit të organizuar dhe korrupsionit.

“Takim shumë i frytshëm me Presidentin e Institutit Ndërkombëtar Republikan Daniel Twining në selinë e IRI në Washington. Diskutuam gjerësisht mbi situatën në Shqipëri, domosdoshmërinë e forcimit të demokracisë, shtetit të së drejtës, luftën kundër krimit të organizuar dhe korrupsionit. Ramë dakord për intensifikimin e bashkëpunimit në mënyrë që vlerat Euro-Atlantike të jenë udhërrëfyes për ndërtimin e një qeverisje dhe shteti në shërbim të qytetarëve dhe jo një grupi individësh”.- shkruan Basha.

E pranishme në ditën e pare ishte dhe Ronna McDaniel kryetare e Komitetit Kombëtar Republikan.

M.Q./Shqiptarja.com

TAG:
• lulzim basha
• SHBA