TIRANË – Kryedemokrati Lulzim Basha ka parandjenjën se integrimi europian i Shqipërisë do të ndodhë kur Shqipëria të qeveriset nga demokratët.
 
Sot, duke përshëndetur zhvillimin me sukses të zgjedhjeve për Parlamentin Europian pnë grupin parlamentar të PD-së, Basha tha:
 
“Parandjenja më thotë se në vazhdën e arritjeve më të shënuara në fushën e integrimit europian e euroatlantik të Shqipërisë,  kjo ditë do të vijë me demokratët  në qeverisje.
 
Forcat politike europianiste, të djathta, të qendrës dhe të majta, e ruajtën avantazhin e  thellë ndaj euroskeptikëve, pavarësisht prej avancimit të tyre në ndonjë vend të  veçantë.
 
Spektri politik i Parlamentit  Europian  tregoi përsëri se Bashkimi dhe Zgjerimi mbeten  ëndrra, qëllimi dhe vullneti i shumicës dërmuese të zgjedhësve dhe qeverive europiane.
 
Ky  është një lajm shumë i mirë  edhe për vendin tonë.

Vota e ditës së djeshme mban hapur perspektivën europiane të Shqipërisë dhe është një sinjal i fuqishëm për  të shpresuar në marrjen  e statusit të vendit kandidat në muajin e ardhshëm.
 
Si forcë politike,”- nënvizoi Basha, - “natyrisht, kemi edhe një gëzim tjetër të madh, që lidhet me rikonfirmimin e Partisë Popullore Europiane si forca e shumicës në Parlamentin Europian.”
 
Redaksia online
(armanda shtembari/Shqiptarja.com)