Basha pas lirimit të 13 protestuesve
Demokratët më të bashkuar se kurrë

Lideri i Partisë Demokratike Lulzim Basha ka shprehur dhe njëherë mbështetjen për 13 protestuesit demokratë, mes tyre edhe kryetari i PD-së në njëisnë nr 5 në Tiranë Cim Babasi, të cilët u arrestuan pas veprimeve të dhunshm në protestën e PD-së, këtë të martë, kundër ndërtimit të këndit të lojërave në parkun e  Liqenit Artificial.

Pas lirimit të tyre, Basha thotë se ata janë më të vendosur për t’i shërbyer kauzës së qytetit për mbrojtjen e parkut, për të cilën edhe u arrestuan gjatë protestës së të martës.

Teksa i quan ata trima të kurajës dhe burrërisë qytetare, Basha shkruan se tashmë demokratët në mbarë vendin janë të bashkuar për të mbrojtur qytetin. Ligjin e demokracinë.
 
Postimi i plotë i Lulzim Bashës
13 burra e te rinj demokrate qe u ngriten per te mbrojtur parkun e ligjin, qe u dhunuan brutalisht dhe u rrembyen me police me maska, e u mbajten 3 dite ne arrest te paligjshem, dolen te lire, me te vendosur e me me shume energji per ti sherbyer kesaj kauze te qytetit, te vendit dhe demokracise. Ne syte e ne zerin e ketyre burrave ka vetem vendosmeri dhe entuziazem per te vazhduar me force betejen me tiranine.

Mirenjohje te thelle dhe nderim per Cim Babasin, Arlind Kajon, Behar Hasen, Erion Dizdarin, Franc Doken, Gerald Metkon, Grigels Muçollarin, Indrit Hoxhen, Jurgen Kupin, Klejt Kalane, Silvio Shemen, Soven Shemen dhe Tonin Kolthin.

Keta trima te kurajos dhe burrerise qytetare nuk kane qene te vetem per asnje sekonde. Dhe sot bashke me demokratet e mbare qytetaret e vendit jemi me te bashkuar e ne shumice absolute per te mbrojtur qytetin, ligjin, demokracine para oligarkise dhe bandes ne ikje.

Redaksia Online
(u.s/shqiptarja.com)