Basha: Rama e Ahmetaj, shkatërruesit  e ekonomisë! U trembën nga programi i PD dhe më sulmojnë

Sulmeve që kryeministri Rama i ka bërë programit ekonomik të PD, për Bashën janë sulme që bëhen për të mbyllur dështimin e ekonomisë në këto 8 vite. Bahsa tha se Rama e Ahmetaj janë përgjegjës për shkatërrimin e ekonomisë dhe largimit të rinisë nga vendi. Basha tha se programi ekonomik i PD i ka trembur duke nisur sharjet dhe denigrimin e figurës së tij.

"Nuk merrem me një qeveri që kanë 8 vite që premtojnë dhe si mbajnë, ka 8 vite që dështojnë, Rama dhe Ahmetaj i shollën Shqipërisë taksa të larta, shkatërrimin e ekonomisë dhe largimin e rinisë. Në 8 vite kishin ekonominë në dorë dhe punuan vetëm për një grusht njerëzish. Këta janë arsyeja që të rinjtë largohen nga vendi dhe familjet kanë më pak para në xhepat e tyre dhe shtresa e mesme taksohet më shumë se në çdo vend tjetër të Ballkanit. Këto janë arsyeja pse kosto e jetës është rritur me 40 %. Kur s'ka bilanc sigurisht që do të shajë e denigrojnë dhe të sulmojë programin tonë të punës dhe më pas ta kopjojë, pasi një kopjac i keq nuk e kalon provimin, ai nuk e kupton në radhë të parë. Sulmet ndaj meje janë intensifikuar pas prezantimit të planit tonë ekonomik, pasi është në plan konkret punë që nuk u bënë 8 vite", tha Basha.

Lajmi kryesor:

Sulmet ndaj programit të PD-së, Basha: Rama e Ahmetaj, shkatërruesit e ekonomisë! U trembën nga plani ynë ekonomik dhe më sulmojnë (VIDEO)

/r.k./Shqiptarja.com

TAG:
• lulzim basha
• PD
• Jorida Tabaku
• Dorian Teliti
• programet politike 2021