POP 5

Lajmet më të lexuara të 5 minutave të fundit

Politikë

Basha: Rama të kërkojë ndjesë
që e la Tiranën 11 vjet pa plan

Bashkia e Tiranës ka njoftuar sot se shkolla “Ahmet Gashi” në Laprakë do të ndërtohet nga e para. Basha tha se Rama duhet të kërkojë ndjesë që e la Tiranën 11 vjet pa plan urbanistik në dëm të qytetarëve.
Basha: Rama të kërkojë ndjesë <br />që e la Tiranën 11 vjet pa plan
TIRANE - Bashkia e Tiranës ka njoftuar sot se në fund të vitit 2013, 1000 nxënësit e Laprakës do të kenë një shkollë të re, pasi shkolla “Ahmet Gashi”, e ndërtuar në vitin 1960 do të ndërtohet nga e para. Kryebashkiaku Lulzim Basha, Ministri i Arsimit Myqerem Tafaj, Ministri i Turizmit, Kulturës, Rinisë dhe Sporteve, njëherësh deputet i zonës, Aldo Bumçi kanë qenë të pranishëm, në nisjen e punës për ndërtimin e shkollë të re.

I pyetur për qëndrimin e ish-kryetarit të Bashkisë së Tiranës Edi Rama, lidhur me planin urbanistik të Tiranës, Basha tha se ish-kryebashkiaku duhet të kërkojë ndjesë, që e la Tiranën 11 vjet pa plan urbanistik në dëm të qytetarëve dhe ka shprehur keqardhjen për gjuhën e kërcënimit, në veçanti për komunitetet autoktone dhe komunitetet e vjetra që përfitojnë nga plani i ri urbanistik.

“Së pari, mendoj se para se të flasë për planin urbanistik, i cili pas 23 vitesh i ofrohet qytetarëve të Tiranës, Rama në pozitat e ish-kryetarit të Bashkisë duhet të shpjegojë se çfarë e pengoi ose çfarë nuk e motivoi që ta bënte këtë plan në 11 vite. Së dyti, mendoj se bashkë me shpjegimin, çfarëdo të jetë justifikimi, do të ishte e arsyeshme të kërkonte ndjesë për mungesën e planit, që i ka sjellë kaq shumë dëme qytetit dhe veçanërisht në zhvillimin pa planifikim dhe në trajtimin e pabarabartë të pronës së qytetarëve. Së treti, shpreh keqardhjen që ka zgjedhur gjuhën e kërcënimit, në veçanti për komunitetet autoktone dhe komunitetet e vjetra që përfitojnë nga ky çlirim i planit. Jam i bindur se qytetarët e Tiranës e kanë refuzuar një herë gjuhën e konfliktit politik, gjuhën e kërcënimit dhe çdo zgjedhje individuale apo politike e Ramës për të rikthyer kërcënimet ndaj banorëve të Tiranës, jam i sigurt se do të marrë përgjigje të njëjtë, sa herë që të ketë zgjedhje”, u shpreh Basha.

Duke folur më tej për rikonstruktimin e shkollës ku ka filluar të japë mësim për herë të parë nëna e tij si mësuese, Basha u shpreh se “shkolla e re do të ketë 25 klasa, 6 laboratorë dhe dy klasa pune, si dhe do të akomodojë një kapacitet prej 1000 nxënësish, duke përmbushur kështu një nevojë të madhe të komunitetit të zones, por dhe duke hequr një nga hallet e mëdha të prindërve që ka qenë mësimi me dy turne në këtë shkollë. Po kështu, do të ndërtohet një palestër e parametrave moderne, si dhe do të bëhet rikualifikimi i të gjithë ambienteve rrethuese të shkollës”.

Me një investim prej rreth 225 milionë lekësh, shkolla do të jetë gati në muajin nëntor të vitit 2013. Sipas kreut të Bashkisë, ky është fillimi i ndërtimit dhe rindërtimit të një sërë shkollash në Tiranë.

projekti i shkolles
(Në foto projekti i Bashkisë së Tiranës për shkollën "Ahmet Gashi" në Laprakë)

Redaksia online
(eç/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

26 Nëntor, 22:57