Kryetari i Partisë Demokratike, Lulzim Basha, ka dënuar me ashpërsi dhunën që sipas tij është ushtruar ndaj Fatos Lubonjës. Pas presidentit Meta, edhe kryedemokrati thotë se kjo dhunë vjen si pasojë e kritikave që analisti ka bërë shpeshherë publikisht ndaj Edi Ramës. Basha fton qytetarët të solidarizohen me këtë rast dhe me çdo zë kritik ndaj qeverisë.

"Dënoj me ashpërsi dhunën e drejtuar kundër intelektualit publik Fatos Lubonja. Kjo dhunë fizike vjen në klimën e dhunës psikologjike, gjuhës së urrejtjes dhe sulmeve të Edi Ramës kundër zërave kritikë dhe medias jashtë kontrollit të tij.

Është detyra jonë të mbrojmë dhe mbështesim zërat e lirë si Fatos Lubonja ndaj ju ftoj të gjithë të solidarizohemi me të dhe çdo media dhe zë kritik" shkruan Basha.