Basha takim me qytetarët në njësinë 1 në Tiranë: Bashkë bëjmë të mundur ndryshimin, çlirojmë ekonominë dhe Shqipërinë nga ky stres

Kryetari i Partisë Demokratike, Lulzim Basha, ka zhvilluar takime me qytetarë ditën e sotme në njësinë 1, në Tiranë. Gjatë ecjes ai ka biseduar me qytetarë dhe biznese të zonës, të cilëve i ka kërkuar votën në zgjedhjet e 25 prillit.

Basha premtoi rritje pensionesh, ulje të çmimit të energjisë elektrike dhe rimbursimin e plotë të ilaçeve për të moshuarit.

"Të gjithë bashkë ja kemi dal, të gjithë bashkë do ja dalim prapë. Duke mos harruar prindërit tanë, pensionistët. Me rritje pensionesh, me fashën e energjisë që do ta paguani me çmim më të ulët, me rimbursimin e plotë të ilaçeve që të keni një jetë me dinjitet për të gjithë atë sakrificë që keni bërë për ne", tha Basha.

LEXO EDHE:
PS rezolutë ant-korrupsion me opozitën! Basha: Barsaletë, janë kapur mat në dhjetëra afera

Ai shtoi se do të sjellë ndryshimin dhe do të  "çlirojë ekonominë e Shqipërinë nga depresioni".

"Mos u dorëzo, edhe tre javë dhe të gjithë bashkë do të bëjmë të mundur ndryshimin, te ekonomia do njehet sëpari ndryshimi, do të jetë biznesi i vogël dhe familjet shqiptare. Nga ky stres që ka kapur Shqipërinë, nga ky depresion që ka kapur ekonominë do të çlirohemi duke votuar të gjithë bashkë për ndryshimin më datë 25. Dhe ndryshimi do të ndihet kudo, tek ju, tek fëmijët tuaj, tek të gjithë pa përjashtim. Prandaj duhet të bëhemi të gjithë bashkë më 25!", theksoi Basha.

/r.k./Shqiptarja.com

TAG:
• Tirane
• lulzim basha
• PD
• Fushate elektorale
• zgjedhjet parlamentare 2021