Basha tha se fitoi Bashkinë e Tiranës se mbajti larg Berishën, Nishani: Gënjeshtar! Ai i mësonte edhe gjërat më elementare

TIRANË- Ish-kreu i Kuvendit Kombëtar të Partisë Demokratike, Bujar Nishani ka hedhur një sërë akuzash në drejtim të Lulzim Bashës, të cilin e ka quajtur qesharak, gënjeshtar kongjenital si edhe parazit politik. I gjithë ky reagim vjen deklaratës së Bashës, se ka fituar Bashkinë e Tiranës vetëm sepse ka mbajtur larg Sali Berishën, duke thënw se kjo është një gënjeshtër e madhe.

"Të nderuar miq, një gënjeshtar kongjenital jo vetëm që nuk mund të na udhëheq në ndonjë fitore por na shkaktoi në tetë vite, kaosin, hallakatjen dhe dekurajimin më të madh politik që kemi patur ndonjëherë brenda Partisë Demokratike. Gënjeshtari kongjenital po thotë se ka fituar në 2011, Bashkinë e Tiranës, pa Berishën !Si drejtues i shtabit elektoral për Tiranën, atë botë, më bezdiste deri në nervozizëm te shikoja se si gjatë gjithë ditës, L. Basha i kërkonte S. Berishës ta udhëzonte, ti tregonte e ti mësonte edhe detajet më elementare për axhendën ditore dhe tezat e fushatës. Ky nuk është thjesht qesharak, jo vetëm gënjeshtar kongjenital por një parazit politik me një kosto të madhe për të gjithë ne", shkruan Nishani.

Ai ndalet më pas te 11 dhjetori, ditën kur është thirrur të mblidhet Kuvendi Kombëtar i PDsë, duke thënë se kjo do të shpëtojë PD-në.

"11 Dhjetori 2021, po vjen me shpejtësi.  Uragani i njerëzve të ndershëm, trimave e patriotëve do të shpëtojë Partinë Demokratike. Të ringremë PD për të shpëtuar Shqipërinë", shkruan Nishani.

B.K./Shqiptarja.com

TAG:
• lulzim basha
• PD
• Bujar Nishani
• perplasja berisha basha