Basha: Trami në Tiranë
do ndërtohet në 2012-ën

Trami, pika kryesore e planit të ri urbanistik për Tiranën, e shpallur nga gjatë fushatës elektorale nga Lulzim Basha, do të ndërtohet në vitin 2012 dhe do të përshkojë distancën nga Lapraka deri në sheshin “Nënë Tereza”.

Kryebashkiaku Lulzim Basha, gjatë një takimi më studentët e një universiteti jopublik në kryeqytet tha se nuk ka vend në Tiranë për hekurudhë.

“Hekurudha do zhvendoset jashtë vijës së verdhë të Tiranës, gjë që është zgjidhja më e mirë, sepse do të shoqërohet me implementimin e hekurudhës së lehtë, tramit, i cili ka të gjithë aftësinë për t’u kombinuar si një mjet transporti me trenin dhe mjetet e tjera të transportit, me parkingjet nëntoksore", tha Basha.