POP 5

Lajmet më të lexuara të 5 minutave të fundit

Politikë

Basha: Vendosim taksën e sheshtë
9%, u kthejmë qytetarëve 450 mln €

Takim me fermeret ne Lushnje/ Basha theksoi se demokratët do të vendosin taksën e sheshte me te ulet ne Europe prej 9 përqind në mënyrë që 450 milionë euro që mblidhen sot dhe nuk dihet se ku shkojnë t’i rikthehen qytetarëve.  VIDEO
Basha: Vendosim taksën e sheshtë<br />9%, u kthejmë qytetarëve 450 mln €
LUSHNJE - Në vijim të turit "Fjalën e kanë qytetarët", kryetari i Partisë Demokratike Lulzim Basha u takua me fermerët në Barbullinë.  Lideri i opozitës u bëri të ditur fermerëve se kërkesat e tyre do të adresohen në programin e demokratëve, si ulja e cmimit te naftes me 240 leke per liter dhe ulje e cmimit te energjise. Sa i përket taksave, Basha theksoi se demokratët do të vendosin taksën e sheshte me te ulet ne Europe prej 9 përqind në mënyrë që 450 milionë euro që mblidhen sot dhe nuk dihet se ku shkojnë t’i rikthehen qytetarëve.

 “Për mua më e rëndësishme se sa ardhja në karrigen e pushetit duke bërë pazar është mbështetja juaj për t’u zgjidh problemet. Në qoftëse ju thoni se problem kryesor është çmimi i inputeve, është çmimi i naftës, çmimi i energjisë, çmimi i plehrave, çmimi i plasmasit, është padrejtësia me taksat që ju kanë vënë, atëherë të jeni të sigurt se këtu do të jetë vëmendja jonë kryesore. Që të ketë frikë tregtari kosovar me ardhë me marrë mallin këtu, kjo është vdekjeprurëse për ju. Jemi dukë bërë platformën dhe në platformën e taksave, në përgjithësi po ju them, taksa e sheshtë do te jetë  9 përqind. Çfarë do të thotë taksë e sheshtë 9 përqind?! Do të thotë se 450 milionë euro, që sot qeveria i takson dhe i fut nuk e dimë se ku, ato para t’ja kthejmë tregu” - theksoi Basha.  
 
Fermerët thonë se çdo ditë janë nën presionin e policisë dhe të tatimorëve me kërkesa nga me absurdet. Po kështu, ata thonë se për shkak të vështirësive që u krijohen bizneseve kosovare ata nuk marrin më prodhimet e tyre por kanë braktisur Shqipërinë dhe janë zhvendosur në Maqedoni. Fermerët i kanë paraqitur kryedemokratit Basha një sërë kërkesash për ti përfshirë në programin qeverisës.  
 
Fermer: Kam marrë fidanët 500 mijë lek, 300 mijë lek i kam hedhur ushqim dhe të tëra, se ai ma matë me gramatur, si lugën e kafes, ma matë me gramatur unë s’marr dot gjë më.  Do ta lë s’e mbjell më. Ky shtet ka mbaru. Do të ikim jashtë.
Fermer: Kërkojmë sistem vaditës-kullues, për të kulluar tokat. Ulje të cmimit të plehrave, ulje të çmimit të naftës. Për këtë e votuam këtë që është sot në qeveri. Për të ulur këto gjëra. Asgjë s’po bëhet nga këto.
Fermer: Kosovarët thonë unë nuk vij sepse 10 dollarë më bën rruga, nafta 1400 lekë atje, 2000 këtu dhe me detyrojne ta marr këtu.  S’vjen kosovari këtu.  Ikën tutje, vete në Maqedoni, në Maqedoni ka ikur, magazinën e ka lënë bosh atje ka tre muaj.
Fermer: Të ulen plehrat, të ulet nafta  dhe energjia elektrike të vejë atje ku qe, këtë duam ne.
Fermer: Ne si fermer paguajmë tre herë, paguan ai që zhdoganon, paguan ai i shumicës, paguan ai që na shet neve dhe ne paguajmë dhe çfarë na kërkon tani, kërkon që të na marrë edhe shpirtin. Edhe shpirti na ka ngelë pa marrë.

Redaksia Online
(Gre.M/Shqiptarja.com)
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15