Basha vijon sulmet ndaj Ramës:
Shteti në shërbim të kriminelëve

Kreu demokrat, Lulzim Basha, ka vijuar akuzat e forta ndaj kryeministrit Edi Rama, teksa është ndalur sërish te çështja ‘Tahiri’. Basha shkruan në ‘facebook’ se shteti i Ramës funksionon i gjithi në shërbim të trafikantëve dhe sipas tij, këtë e tregoi dhe drejtësia italiane në mijëra faqe.

Kreu i PD e cilëson Ramën të vetmin kryeministër që alternativë ka dhunën, presionin dhe burgun, ndërsa mbrojtjen, kujdesin dhe lehtësinë i ka për trafikantët, me të cilët fiton dhe ndan pushtetin.

Postimi i plotë:
Se cili është shteti i Edi Rames, u pa qartë çdo ditë këto 4 vite, dhe e provuan në kurriz shumica e shqiptarëve. Sot shteti i tij i krimit është shpalosur dhe në mijëra faqe të drejtësisë italiane. Një shtet që funksionon i gjithi në shërbim të trafikantëve. Një shtet ku ministri i brendshëm është shefi i madh i bandës. Një shteti ku Rama vetë i bëhet pengesë drejtësisë duke e mbrojtur Tahirin teksa bën gati gijotinën për të varfërit që skanë mundësi të paguajnë ujin.

Edi Rama është i vetmi kryeministër që alternativë për qytetaret ka dhunën, presionin dhe burgun, ndërsa mbrojtjen, kujdesin dhe lehtësitë i ka për trafikantët me të cilët fiton dhe ndan pushtetin.

Një kryeminister i përgjegjshëm s�'do gjente qetësi derisa të krijonte mundësi për qytetarët e tij që s'�paguajnë dot faturën e ujit. Ndërsa Rama i kërcënon me burg ata që nuk sigurojnë dot as bukën e gojës. Sigurisht që për ata që janë abuzuesit më të medhenj nuk do ketë asnjë problem, sic ndodhi me aksionin famëkeq të energjisë ku u shtynë drejt vetvrasjes 12 kryefamiljarë, ndërsa oligarkët e lidhur me qeverinë vazhduan abuzime marranendëse me faturën e energjisë.

Një kryeministër i përgjegjshem do orientonte investimet që hapin vende pune, do ulte taksat për biznesin, do rriste pagesën për familjet në ndihmë ekonomike dhe përmes buxhetit të shtetit, do merrte përsipër faturën e energjisë dhe ujit për familjet në pamundësi ekonomike. Dhe ky do ishte shteti per qytetarët, për hallet e përditshme të njerëzve.

Por shteti i Edi Ramës është i gjithi në shërbim të tij dhe të kriminelëve të tij, ai i shkel me këmbë qytetarët, atij nuk i duhen qytetaret. Shteti i Ramës është i zhytur në krim dhe i kapur nga krimi.


(Postimi i Lulzim Bashës)

d.c./shqiptarja.com