SIRI - “Dua të jetoj dhe të vdes në Siri” u shpreh Presidenti Bashar al-Assad në një intervistë dhënë një kanali rus.

“Nuk jam një buratin, jam sirian kështu që duhet të jetoj dhe të vdes në vend”, shpiegoi ai duke paralajmëruar nderhyrjet e huaja, të cilat do të kenë ndikime botërore duke argumentuar se Siria ishte ”bastioni i fundit i Sekularizmit, stabilitetit dhe bashkejetesës së religjioneve dhe se ndërhyrja do të kishte një efekt domino, i cili do të prekte gjith botën.”

Ndërkohë grupi opozitar dhe lideret perëndimor janë duke u munduar të krijojnë një alternativë kundrejt qeverisjes së Assad.

Përfaqësuesit nga Britania, Franca, SHBA dhe Turqia takohen sot në Qatar për tu siguruar se opozita siriane do të përfaqësohet në Këshillin Kombëtar Sirian. Sipas sekretarit për Punët e Jashtme britanike, objektivi është që të inkurajohet grupi opozitar sirian për të qenë të bashkuar rreth një vizioni për një Siri më stabël dhe demokratike.

(bi.ka/Gre.M/Shqiptarja.com)