POP 5

Lajmet më të lexuara të 5 minutave të fundit

Kronikë

Bashkëjetesa e vështirë me muxhahedinët, banorët në Manëz: Iranianët zaptojnë varrezën

Banorët e Manzës në Durrës kanë protestuar ditën e sotme për një sipërfaqe toke ngjitur me varrezën e komunitetit pasi një pjesë e sipërfaqes është shitur tek muxhahedinët. Në këtë sipërfaqe duken kolonat prej betoni që janë ngulur aty me qëllim rrethimin e saj. Qëllimi i iranianëve është që këtë tokë ta përdorin për varrezë.

Banorët e Manzës në Durrës kanë protestuar ditën e sotme për një sipërfaqe toke ngjitur me varrezën e komunitetit pasi një pjesë e sipërfaqes është shitur tek muxhahedinët.

Në këtë sipërfaqe duken kolonat prej betoni që janë ngulur aty me qëllim rrethimin e saj. Qëllimi i iranianëve është që këtë tokë ta përdorin për varrezë.

Banorët e kundërshtojnë një transaksion të tillë të tokës me argumentin se ajo ka qenë planifikuar për zgjerim varreze për komunitetin e tyre. Ata thonë se varreza aktuale është ezaruar dhe janë të detyruar t'i fusin familjarët e tyre në të njëjtin varr.

Sipas tyre ky është një territor i konsiderueshëm që po i kalon iranianëve. Fare mirë ata mund të zgjerohen pranë kampit të tyre sepse ka toka në pronësi të banorëve të zonës që mund tua shesin atyre.

Ndërkohë banorët i kërkojnë institucioneve shtetërore që të ndërhyjnë për ta bllokuar një transaksion të tillë.

“Toka e varrezave tona e lënë prej vitesh për banorët e Manzës, i është shitur iranianëve që qëndrojnë këtu në kamp, një veprim që nuk është i drejtë dhe ne nuk mund ta pranojmë pasi po detyrohemi të varrosim dy familjarë në një varr" - tha një prej banorëve.

Muxhahedinët kanë nisur varrosjen e familjarëve të tyre, në varrezat e zonës pavarësisht se atyre u është dhënë një tokë e caktuar për banorët e tyre.

Ndërkohë duket se problem qëndrojnë dhe ritet fetare që kanë Muxhahedinët për ceremonitë mortore pasi detyrohen të bllokojnë qarkullimin rrugor dhe aktivitetet e tjera.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57