Bashkëpunoi me dy punonjësit e kompanisë private në Korçë për trafikimin e 101 kg kanabis drejt Turqisë, arrestohet 33-vjeçari i shpallur në kërkim (EMRI)

Bashkëpunoi me dy punonjësit e kompanisë private në Korçë për trafikimin e 101 kg kanabis drejt Turqisë, arrestohet 33-vjeçari i shpallur në kërkim (EMRI)

Kamioni në të cilën u gjetën 101 kg kanabis në Koçë

KORÇË- Ka rënë në prangat e policisë 33-vjeçari me Edison Koçi, i cili ishte i shpallur në kërkim, si personi i përfshirë në tentativën për trafikimin 101 kilogramëve kanabis drejt Turqisë. Ai akuzohet se ka bashkëpunuar me dy persona e tjerë të arrestuar tashmë, Mico Rexhepisin dhe Arben Markun, të cilët tentuan  të trafikonin me kamion drejt Turqisë sasinë e kanabisit.

33-vjeçari nga Xhafzotaj  u ndalua në zbatim të urdhrit të datës 04.08.2022, të nxjerrë nga Prokuroria pranë Gjykatës së Shkallës së Parë Korçë, për veprën penale “Trafikimi i narkotikëve”, kryer në bashkëpunim, mbetur në tentativë, në lidhje me ngjarjen e ndodhur në Pikën e Kalimit Kufitar Kapshticë, ku u ndaluan dy persona, 58-vjeçari Mico Rexhepis dhe 45-vjeçari Arben Marku, të cilët me mjetin tip kamion të markës “Scania”, tentuan të trafikonin në drejtim të Turqisë, 101 kg kanabis.

Ndërkohë, shkon në 26 numri i të ndaluarve gjatë njëmbëdhjetë fazave të operacionit “Restart”.Nga ana e Policisë po vijojnë hetimet intensive për dokumentimin e plotë të kësaj veprimtarie kriminale. Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Thirrjet për kursimin e energjisë elektrike, mendoni se zbusin pasojat e krizës energjetike?



×

Lajmi i fundit

Të shtëna me armë zjarri në Elbasan, dyshohet për një të vrarë, ende nuk dihen rrethanat

Të shtëna me armë zjarri në Elbasan, dyshohet për një të vrarë, ende nuk dihen rrethanat