POP 5

Lajmet më të lexuara të 5 minutave të fundit

Sociale

Bashkia e Durrësit 14 mln lekë tender për 505 pemë! Rritet taksa e gjelbërimit për qytetarët: Kemi vështirësi për të paguar faturat, po s'kemi gjë në dorë

Me tenderët dhënë kompanive private për mbjelljen e pemëve, Bashkia e Durrësit ka rritur taksën e gjelbërimit që qytetarët e paguajnë në faturën e Ujit. Për Report Tv zyrtarë nga Bashkia thonë se nga vitit 2022 deri në 2024-ën është projektuar të mblidhen 15 mijë pemë përmes prokurimit të 3 tenderave me vlerë totale 150 milionë lekë.

DURRËS- Familjet në qytetin e Durrësit po paguajnë më shtrenjtë për gjelbërimin. Taksa e gjelbërimit, që reflektohet çdo muaj në faturën e ujit, është rritur nga 200 lekë që ishte për familjet në qytet, në 1000 lekë në vit.

Ndërsa familjet në fshat paguajnë 500 lekë në vit, ndërsa më herët vlera ishte e papërfillshme, 50 lekë.

"Është rritur, normalisht me këto rritjet e çmimeve të gjithë kanë qejf ta rrisin”, tha një qytetar.

“Është e vështirë, po ça të bëjmë ne të shkretët”, tha një tjetër.

“Ku ia dalim ne, po a kemi gjë në dorë ne, s’kemi”, u shpreh qytetari.

“Kemi vështirësi në pagimin e faturave”, tha një tjetër.

Rritjen e taksës Bashkia e justifikon me shtimin e hapësirave të gjelbra. Pemët që po mbillen aktualisht në qytet janë prokuruar përmes tenderit të zhvilluar në muajin tetor 2021, i cili u fitua nga kompania ALBGarden shpk në vlerën 14. 300.000 lekë. Me vlefshmëri nga marsi në prill, përmes këtij tenderi parashikohet të mbillen në total 505 pemë, mes tyre palma të llojit "Ëashingtonia Robustra".  

"Aktualisht ndërmarrja "Rruga" po operon për mbjelljen e pemëve të vitit të kaluar, janë gjithsej 13 produkte që janë palmat, oleandra, magniolia bli, rrap. Deri tani janë mbjellë 120 palma në rrugën Pavarësia, 13 copë në bulevard dhe 5 copë në shëtitoren Taulantia",  tha Drejtori i Ndërmarrjes "Rruga" pranë Bashkisë së Durrësit Alion Hysko. 

Por në 3 vitet e ardhshme, siç premtoi edhe gjatë fushatës elektorale, kryebashkiakja Emirjana Sako në Durrës pritet të mbillen 15 mijë pemë, përmes 3 tenderave të tjerë me vlerë deri në 150 milionë lekë në total.

"Bashkia e Durrësit po kryen procedurë për vitin 2022, diku 40 milionë lekë, 2023 50 mln dhe 2024 60 mln lek. Objektivi i Bashkisë 15 mijë pemë deri në 2024", tha  Hysko.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem Gahinji: 02/04/2022 19:10

    Mendimin im,taksat e gjelberimit ne durres duhet te hiqet per qytetaret.Ftoj gazetaret te bejne nje investigim.sa taksat mblidhen ne nje muaj dhe ne nje vita.Si i kthehen ato pagesa qytetarwve?asnje dhe asgje.Lulishte teresisht ose mbi 50%te zena nga private.Lulishte pa stola per banoret rezidente,por te mbushura me tavolina dhe karrike kafenesh.Edhe lodrat e femijeve,investum i bashkise ne 2006 Jane vene ne dispozicion te lokaleve.Pra ,qytetaret paguajne taksat,pronaret e lokaleve marrin resto.Atehere pse duhet te paguaje qytetari?Le ti paguajne keto taksat ATA qe i perdorin

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça