POP 5

Lajmet më të lexuara të 5 minutave të fundit

Sociale

Bashkia e Tiranës mekanizëm për të
raportuar e luftuar dhunën në familje

Një mekanizëm për referimin e rasteve të dhunës në familje në 24 njësitë administrative të Tiranës, pritet të ngrihet nga Bashkia e kryeqytetit për të luftuar fenomenin e grave e fëmijëve të dhunuar.
Bashkia e Tiranës mekanizëm për të<br />raportuar e luftuar dhunën në familje
TIRANE - Një mekanizëm për referimin e rasteve të dhunës në familje në 24 njësitë administrative të Tiranës, pritet të ngrihet nga Bashkia e kryeqytetit për të luftuar fenomenin e grave e fëmijëve të dhunuar.
 
Në bashkëpunim me organizatat që veprojnë në fushën e mbrojtjes së të drejtave të njeriut dhe në mënyrë të veçantë atyre të grave, pritet që ky mekanizëm jo vetëm të ndihmojë viktimat e dhunës, por edhe të parandalojë çdo rast të mundshëm.
 
Në një takim të kërkuar nga Aleancës së Grave Këshilltare të Këshillit Bashkiak, nënkryetari i Bashkisë Andi Seferi kërkoi që nismat e marra në luftën ndaj këtij fenomeni të mos ngelen në kuadrin e sensibilizimit, por të shndërrohen në një punë të drejtpërdrejtë dhe të prekshme në 24 njësitë administrative të Tiranës.
 
“Duhet të asistohet e të bëhet më e prekshme nga të gjithë në këto zona. Vetëm në këtë mënyrë do të bëjmë të mundur sensibilizimin e qytetarëve për të përdorur mjetet dhe shërbimet e këtij mekanizmi, por edhe të realizojmë korrigjimin e të gjitha dukurive të dhunës”, shtoi Seferi.
 
bashkia e tiranes

Bashkia e Tiranës tashmë ka përcaktuar rrjetin e funksionimit të mekanizmit përmes personave të kontaktit për çdo njësi, me qëllim përfshirjen e tyre në rrjetin e Ekipit Teknik Ndërdisiplinar, i cili do të ketë një shtrirje në mënyrë kapilare në të gjithë territorin e Bashkisë dhe funksionimi i tij do të jetë shumë shpejt konform të gjitha parametrave dhe detyrimeve ligjore.
 
Ndërkohë, që koordinimi ndërmjet aktorëve të këtij rrjeti të jetë efektiv dhe menaxhimi i rasteve të dhunës ndaj grave të jetë i suksesshëm, nga ana e Bashkisë së Tiranës për vitin 2016 janë vendosur disa objektiva përfshi: referimi online i rasteve të paraqitura në polici nga koordinatori pranë Drejtorisë së Policisë Tiranë; bashkëpunimi dhe zgjerimi i ETN-së me një rrjet sa më të gjerë të Organizatave që adresojnë dhe trajtojnë rastet e dhunës; trajnime për përfaqësuesit e 24 njësive administrative; si dhe ngritja e qendrave ditore për rastet e emergjencës, ose sigurimi i apartamenteve te cilat do të shërbejnë si “strehëza” për viktimat e dhunës në familje.

Redaksia Online
(Gre.M/Sjqiptarja.com)

 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Trump fiton Karolinën e Veriut, Harris merr Nju Meksikon dhe ngushton rezultatin, 232 me 211 vota elektorale!

Trump fiton Karolinën e Veriut, Harris merr Nju Meksikon dhe ngushton rezultatin, 232 me 211 vota elektorale!

6 Nëntor, 05:49