TIRANË – Këshilli bashkiak i Kamzës ka votuar unanimisht për të nderuar më titull “Qytetar Nderi”, nëntetarin Aleksandër Peçi, i cili u plagos rëndë dje në Kandahar. Propozimi i ardhur nga disa prej këshilltarëve është mbështetur nga të gjithë këshilltarët e tjerë. Në mbledhjen e sotme këshilli ka akorduar titullin për kontributin në misionin paqeruajtës “Eagle 4” me motivacionin “Për trimëri dhe kurajo në detyrën e tij”.
Gjithashtu, këshilltarët bashkiakë të Kamzës, kanë vendosur t’i japin një fond prej 1 milion lekësh familjes së Aleksandër Peçit.

(aq/shqiptarja.com)