Bashkia në Gjirokastër i vë flakën plehrave në vendgrumbullim, policët bashkiakë pengojnë Report Tv të filmojë (VIDEO)

GJIROKASTËR- Punonjësit e bashkisë i kanë vënë flakën disa mbetjeve në qendrën e re të përpunimit të plehrave në Gjirokastër. Pasi korrespondenti i Report Tv, Piro Nase konstatoi rastin dhe mbërriti në vendngjarje, grupi i xhirimit nuk është lejuar nga punonjësit të filmojë në vendngjarje. Pas disa orësh, është shuar zjarri ndërsa Bashkia Gjirokastër njofton se mbetjeve të dy ditëve i është vënë qëllimisht flaka nga një person, ndërkohë me këtë çështje po merren organet ligjzbatuese.

Fusha e mbetjeve është investim i Gjermanisë dhe është përuruar para 3 muajve. Kujtojmë se nga data 2 korrik, mbetjet urbane të 7  bashkive të qarkut të Gjirokastrës grumbullohen dhe përpunohen në landfillin e ri që po ndërtohet në Bajkaj të Delvinës me fonde të BE-së. Kjo fushë mbetjesh pritej t'i jepte zgjidhje hot spoteve të denoncuara nga Report Tv, kryesisht me pirgjet e plehrave në lumin Vjosë. Me një fond prej 13 milionë lekë financim të qeverisë gjermane është kryer rehabilitimi i vend-depozitimit të mbetjeve urbane në Bashkinë e Gjirokastrës.

Plani i menaxhimit te mbetjeve parashikonte që pas hapjes së rrugës Kardhiq-Delvinë, mbetjet e 7 bashkive të depozitohen në landfillin e ri.

G.MO/A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Plonc-rrezuari: 09/08/2022 15:49

    Barku i ketij policit i shpjegon te gjitha

    Përgjigju
  • Meri: 09/08/2022 13:52

    Ca rendesie ka se u filmua apo jo?,keta nuk jan te ndergjegjeshem per c'far po bejne.Po helmojne ajri dhe token ku jetojne e ushqehen.

    Përgjigju
  • Dhendri i Besnik Bekteshit: 09/08/2022 13:18

    Tani pritet qe Mirela Kumbaro Furxhi , alias Pika e Vockel e Butrintit, ta gjobise krytarin e bashkise Gjirokaster.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Çuçi: Komision parlamentar kundër dezinformimit dhe ndërhyrjeve të huaja

Çuçi: Komision parlamentar kundër dezinformimit dhe ndërhyrjeve të huaja