POP 5

Lajmet më të lexuara të 5 minutave të fundit

Kronikë

Bashkia takson dy herë për
pastrimin, Qytetarët: Absurde

Duke filluar që nga janari i këtij viti, bashkia e Tiranës vendosi që taksa e pastrimit prej 5 mijë lekësh të reja, të përfshihen në formën e një kësti mujor, prej 420 lekësh, në faturën e ujit të pijshëm. Por nëse shkon për të marrë një dokument në minibashki, nuk ta japin pa paguar për të dytën herë këtë taksë.
Bashkia takson dy herë për <br />pastrimin, Qytetarët: Absurde
Duket se bashkia e Tiranës ka vendosur të mbushë arkën e saj duke taksuar dy herë qytetarët, për të njëjtën gjë. Të paktën kështu po ndodh në njësinë bashkiake nr.8 që drejtohet nga Arben Tafaj. Qytetarët që shkojnë pranë kësaj njësie bashkiake për të marrë një dokument të çfarëdoshëm, iu kërkohet që të paguajnë tarifën e pastrimit prej 5 mijë lekësh të reja, ndërkohë që duke filluar që nga muaji janar i këtij viti, kjo tarifë është e përfshirë në faturën e ujit të pijshëm dhe çdo qytetar e paguan sa herë paguan ujin.

Një banor i njësisë bashkiake nr.8 denoncon këtë fakt në gazetën "Shqiptarja.com", pasi nuk ka gjetur zgjidhje për këtë problem pranë njësisë, e cila ia ka mbajtur dy herë këtë tarifë. "Mua më duhej një vërtetim që jam banor lagjeje, - na tregon banori që denoncon këtë fakt. - Dhe ata të nëjsisë më thanë që për të marrë vërtetimin që jam banor lagjeje duhet të paguaja 5 mijë lekë të reja për taksën e pastrimit. Unë në të vërtetë nuk e dija se si funksiononte kjo puna e taksës së pastrimit, pasi faturat i paguan gjithmonë bashkëshortja.

E pagova taksën e pastrimit dhe më dhanë mandat- arkëtimin. Por kur vajta në shtëpi dhe u tregova familjarëve ata më thanë që nuk duhej ta kisha paguar këtë taksë, pasi ne e paguajmë rregullisht me faturën e ujit të pijshëm. Vajta sërish në njësinë bashkiake nr.8, por askush nuk më dha përgjigje për këtë. Më thanë do ta verifikojmë rastin tënd", - na thotë ky banor, i cili na tregon edhe mandat arkëtimin të kësaj takse prej 5 mijë lekësh të reja. Ai më tej na tregon se teksa priste të paguante për të dytën herë këtë taksë, kishte plot të tjerë që ankoheshin se përse duhej ta paguanin këtë taksë. Ndërsa shton se bashkia nuk mund t'ua mbajë në këtë mënyrë lekët qytetarëve të saj.

"Kjo është absurde. Ne i paguajmë rregullisht faturat, dhe bashkia mund ta verifikojë fare lehtë pranë ujësjellësit që ne nuk kemi detyrime ndaj saj. Por administrata nuk do ta bëjë punën e saj, ata duan vetëm e vetëm si të mbushin arkat e tyre", - na thotë i irrituar qytetari. Më tej ai na tregon se në njësinë bashkiake nr.8, ku edhe është banor, i kanë kërkuar madje të paguajë edhe taksën e pronës, ndërkohë që ai është qiraxhi. "Në shtetin tonë absurdet nuk kanë të sosur. Siç të thashë, unë vajta për të marrë një vërtetim se jam banor lagjeje, vërtetim që më duhej patjetër.

Pasi pagova taksën e pastrimit më thanë se duhej të shkoja në hipotekë, të merrja një vërtetim që nuk kam pronë, pasi ndryshe duhej të paguaja edhe taksën e pronës. U habita! Pasi unë nuk kam shtëpi timen dhe jetoj me qira dhe një kopje të kontratës së qirasë unë e kam dorëzuar në këtë njësi bashkiake, në momentin që jam regjistruar si banor i saj. Por punonjësit e bashkisë përtojnë të hapin regjistrat e tyre dhe na sorollasin pa kuptim neve. Sigurisht që unë nuk pranova ta bëj këtë gjë, dhe pas shumë debatesh ma dhanë vërtetimin që jam banor lagjeje", - na shpjegon më tej ai.

(ad.ti/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Austri/ Orteku vret 2 skiatorë në alpet e Tirolit, kërkime dhe për një të tretë

Austri/ Orteku vret 2 skiatorë në alpet e Tirolit, kërkime dhe për një të tretë

26 Dhjetor, 20:11