Bayerni shpallet kampion i Gjermanisë, fiton Juve, Dybala tre gola

Bayern Mynih shpallet kampion i Gjermanisë për herë të gjashtë radhazi 5 javë nga fundi i Bundesligës. Bavarezët siguruan matematikisht titullin numër 28-të në histori falë fitores ndaj Augsburg 4-1. Një autogol i pafat i Sule kaloi vendasit në avantazh ndërsa më pas erdhën me radhë golat e bavarezëve me Tolisso dhe James Rodriguez në pjesën e parë.

Në fraksionin e dytë shënuan edhe Robben dhe Sandro Wagner për të mbyllur llogaritë dhe për të nisur festën e titullit. Me 72 pikë pas 29 javëve skuadra e Heynckes është e pakapshme dhe tashmë vëmendja kalon totalisht tek Champions League.

Me tre gola të shënuar dy prej të cilëve me penallti Paulo Dybala ishte thjesht magjik në fitoren 4-2 të Juventusit ndaj Beneventos. Argjentinasi hapi llogaritë në minutën e 16-të ndërsa pas barazimit nga Diabate në fundin e pjesës së parë Dybala me penallti rikthen bardhezinjë në avantazh. Por Benevento surprizon duke barazuar sërish me Diabate.

LEXO EDHE:
Dështimi me Cagliarin, Allegri: Në pjesën e parë do i ndërroja të gjithë, ulem të diskutoj të ardhmen me drejtuesit

Megjithatë Dybala nuk mund të frenohej këtë ndeshje dhe rikthen Juven në avantazh në minutën e 74-të. Argjentinasi shndërroi në gol një tjetër penallti ndërsa llogaritë i mbylli braziliani Douglas Costa 8 minuta nga fundi duke i dhënë bardhezinjve tre pikët e radhës. Juvja kryeson Serinë A me 81 pikë.

TAG:
• juventus
• Bayern Mynih
• dybala

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.2%

• Nuk e di

  8.7%

Vota total: 3023

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di