BB5, Klodi i përgjigjet Arbanës:
Mjaft i shfrytëzuat konkurrentët

TIRANE- Ka mjaftuar një intervistë e moderatores Arbana Osmani për ish konkurrentët e Big Brother Albania, e cila çoi në zemërimin e këtyre të fundit. Për herë të parë Osmani ka shprehur preferencat e saj për ish -konkurrentët e Big Brother Albania, por nuk ka ngurruar të flas edhe për ata që i duken antipatikë.
Personazhi më antipatik në sytë e saj, është Klodi, djali shqiptar nga Lezha që e deklaroi hapur homoseksualitetin e tij, brenda shtëpisë më të famshme në Shqipëri.
“Tani mund ta them, ishte Klodi. Por nuk ka të bëj aspak me ndonjë ndjenjë homofobie. Jo! Cfarë nuk pëlqeva tek ai ishte mosmirënjohja. Ai vet e përdori homoseksualitetin e tij. Në shtëpi u soll keq me të tjerët pikërisht duke përdorur kauzën e tij. Nuk më duan se jam homoseksual. Atyre thjesht nuk u pëlqeu karakteri i tij i keq. Ai ishte edhe shumë mendjemadh” , ka thënë Arbana. Osmani nuk nguron të thotë që përveç Klodit, nuk pëlqeu fare kastin e BB3. “S’më ngjiten personazhet. S’mu duken interesante. Kishte histori dashurie false e lojë të luajtur keq”.ka thënë Arbana. Duke u ndalur tek personazhi i saj i preferuar ajo ka pohuar, se i ka pëlqyer shumë Adela, e cila sipas Osmanit ka thyer shumë tabu.
I menjëhershëm ka qënë reagimi i Klodit. Në profilin e tij në Facebook, Klodi thotë së Arbana është mësuar ti shfrytëzoj njerëzit.
“Arbana Osmani. dikund ka lenë një intervistë që unë Klodi si jam mirënjohes kësaj zonje. Se përse se di, por i them kësaj zonje mos më ngatërro me veten tënde moj vajzë, sepse ti je mësuar ti shfrytëzosh njerëzit”.
Ai thotë se, Osmani i ka kërkuar të punojnë bashkë për tre muaj në Top Albania Radio dhe akoma nuk e ka paguar. “Erdhe më kërkove sapo dola nga bigu dhe unë me sakrificat e mia e me besimin tek ty erdha çdo të martë, dhe ti apo shokët e tu të Topit akoma s’më keni paguar”, shprehet Klodi.
Ai shton më tej se, “ duhet t’iu vij turp që shfytëzoni njerëzit dhe ankoheni. Përse jua jepni kontratën 18 muaj? Që ti bëni si top ti shfrytëzoni pa pagesa ku e kur t’iu dojë qejfi ju? Harroje goce se si bëhem zotit servil e jo ty apo ndonjë moderatori, ju dini vetëm të shfrytëzoni dhe jo me tepër. Është koha ti paguani pjesëmarrsit e këtij shoë, siç bën gjithë bota e jo si ti shfrytëzoni i përdorni dhe pastaj dhe i shani.....Turp të të vij. Në të njëjtën linjë ka qënë edhe Tatjana ish konkurrente e Big Brother 3, në një prononcim për Shqiptarja.com Tatjana thotë se ajo nuk e vlerëson Arbanën as si person as si prezantuese. ‘Mua nuk më intereson se çfarë thotë ajo. Por ta di mirë që nëse ajo nuk na vlerëson ne, as ne (ose unë të paktën), nuk e vlerësoj atë as si person as si prezantuese. Duke u ndalur tek deklarata e Arbanës për Klodin, Tatjana thotë që ato nuk janë aspak të vërteta. “Ajo thotë për Klodin që është mendjemadh, por që në fakt nuk është aspak e vërtet”. Sipas Tatjanës Arbana nuk duhet të flas për dashuri false sepse ai vet si program është një farsë. Nuk e kuptojë sesi ajo mund të flasë për dashuri false. Kur bën edhe ajo si kur programi është i vërtet! Para së gjithash janë ata farsë, çfarë po presin nga konkurrentët.