Propozimi i administratës Biden për pezullimin e patentës për vaksinat kundër COVID-19, ngjalli shpresa të mëdha për dhënien fund të nacionalizmit të vaksinave dhe mposhtjen e pandemisë. Menjëherë pas deklaratës së Biden, BE dhe presidentja e komisionit evropian ishin të gatshëm për të diskutuar një hap të tillë, me liderët e unionit. Një pikë kthese në luftën ndaj pandemisë por që u përplas me dyshimet e Gjermanisë dhe pakënaqësinë e grupeve farmaceutike.
Komisioni Evropian, shtetet anëtare si dhe vetë SHBA e kishin refuzuar fillimisht këtë nismë, por gatishmëria e Biden për të diskutuar në lidhje me të gjeti mbështetjen e menjëhershme të Presidentes së Komisionit Ursula von der Leyen. Sidoqoftë, kancelarja gjermane Angela Merkel mbetet skeptike dhe kundër kësaj nisme.
"Faktori kufizues në lidhje me krijimin e vaksinave - tha një zëdhënëse e qeverisë së Berlinit - janë kapacitetet prodhuese dhe standardet e larta të cilësisë, jo patentat".
I pari që deklaroi se ishte "plotësisht pro "linjës së re ishte presidenti francez Emmanuel Macron. Spanja dhe Italia gjithashtu mbështesin linjën e re.
Për kryeministrin italian Mario Draghi «vaksinat janë një e mirë e përbashkët globale dhe rritja e prodhimit të tyre është një prioritet për të gjithë, duke garantuar sigurinë e tyre dhe shmangien e pengesave që kufizojnë fushatat e vaksinimit ».
Mbështetje në këtë aspekt ka ardhur edhe nga Rusia, ku presidenti Vladimir Putin deklaroi se Rusia do të mbështesë këtë qasje.
Udhëheqësit e BE do të diskutonin temën e ndarjes së vaksinave në Porto, përfshirë idenë e heqjes dorë nga të drejtat e pronësisë intelektuale.
Presidenti i Parlamentit Evropian David Sassoli shkroi në Twitter se parlamenti është "gati të diskutojë çdo propozim që do të ndihmojë në përshpejtimin e procesit të vaksinimit".
Presidenti i Këshillit Evropian, Charles Michel, theksoi se "të gjitha vendet duhet të lejojnë eksportet dhe të shmangin ndërprerjen e furnizimit me vaksina. Ne kemi nevojë për të zhvilluar kapacitetin global të prodhimit për partnerët në zhvillim me mbështetjen financiare të BE-së ".
Vendimi i presidentit Biden pason krizën që po kalon prej ditësh India, e cila përfaqëson 46% të rasteve të reja me COVID-19 të regjistruara në të gjithë botën javën e kaluar.
Lajme të tjera
-
SHBA bllokon nismën për anëtarësimin e territoreve palestineze në OKB
19 Prill, 07:48 -
Skandal bastesh në NBA, basketbollisti përjashtohet përjetë
18 Prill, 19:30 -
Dhoma e Përfaqësuesve voton këtë javë për ndihmën për Ukrainën dhe Izraelin
18 Prill, 09:33 -
Sulmi ndaj Izraelit/ BE: Sanksione të reja ndaj Iranit! Michel: Është kërcënim për të gjithë rajonin, duhet ta izolojmë
18 Prill, 07:46 -
Sondazhi i Gallup: Vazhdon të bjerë besimi tek institucionet amerikane
17 Prill, 16:27 -
Meta sulmon sërish Dumanin: Më ke çuar njerëz që të iki nga Shqipëria! SHBA të ka thënë më fut në burg, nga qelia do e shkrij atë celulë kriminale
17 Prill, 11:13 -
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë
17 Prill, 08:43 -
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi
17 Prill, 08:04 -
SHBA/ Kongresi dërgon në Senat akuzat për shkarkimin e Sekretarit të Sigurisë Kombëtare, detyrojnë zhvillimin e një gjyqi
17 Prill, 07:31 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
NASA: Objekti që goditi një shtëpi në Florida erdhi nga Stacioni Hapësinor
16 Prill, 11:16
