“BE-ja i bën thirrje Turqisë për vetëpërmbajtje ndaj çdo deklarate të tepruar dhe veprimeve që rrezikojnë të përshkallëzojnë më tej situatën", thuhet në një deklaratë të shefes së diplomacisë evropiane, Federica Mogherini, e përpiluar së bashku me komisionerin Johannes Hahn, përgjegjës për politikën e fqinjësisë në Bashkimin Evropian.
Turqia ka bërë një sërë deklaratash kundër Gjermanisë dhe së fundmi kundër Holandës, për shkak të ndalimit të disa mitingjeve pro-referendumit turk për të kaluar vendin nga një republikë parlamentare në presidenciale, në këto vende.
Pas krizës diplomatike me Gjermaninë, Turqia u përfshi në një krizë diplomatike me Holandën për shkak se kjo e fundit refuzoi të lejonte ministrat turk të merrnin pjesë në mitingje elektorale pro-Erdoganit.
Ndërkohë Holanda ka mbyllur ambasadën dhe konsullatën e saj në Ankara për shkaqe sigurie.
Redaksia Online
D.T/Shqiptarja.com
