BE kërcënon shtrëngim të vizave,
shkak, emigrantët e paligjshëm

Dimitris Avramopoulos, komisioner i BE për emigracionin, tha: “ Me reformën tonë do të sigurohemi që politika jonë e përbashkët e vizave të përmirësojë bashkëpunimin me vendet jo anëtare të BE. Ne do të prezantojmë kushte më të rrepta për shqyrtimin e vizave, kur një vend partner nuk bashkëpunon në mënyrë të mjaftueshme në kthimin dhe ripranimin e migrantëve të parregullt “.

Kombet në të gjithë Afrikën, Azinë dhe Evropën janë potencialisht në sytë e BE. Etiopia, Gambia, Mali, Bregu i Fildishtë, Guinea dhe Senegali të gjitha morën më pak se 10 për qind të shtetasve të tyre, të cilët u urdhëruan të largohen nga BE në vitin 2016, sipas statistikave zyrtare të bllokut. Pakistani, Nigeria dhe Bangladeshi gjithashtu kishin norma të kthimit prej më pak se 30 për qind, siç bëri Maroku, Tunizia dhe Armenia.

Lista ngre mundësinë e një reagimi politik. Vendet përfshirë Marokun dhe Malin janë partnerë të rëndësishëm në përpjekjet më të gjera evropiane për të ndaluar migracionin dhe për të luftuar terrorizmin.

LEXO EDHE:
Kurti quajti 'kërmijë dhe lepuj' Prokurorinë Speciale! Ish-diplomati në Report Tv: Deklarime të tilla do i kushtojnë, kryeministri nuk e ka imunitet arrestimin

Ndryshimet e planifikuara të njoftuara të mërkurën do të lejonin BE të zvogëlojë kohëzgjatjen e vizës, të kufizojë vizat me shumë hyrje ose të rrisë tarifat, kohën e shqyrtimit dhe kërkesat për dokumentet mbështetëse. Sanksionet gjithashtu mund të zbatohen për kategori të caktuara të njerëzve – të tilla si heqja e përjashtimeve nga taksat për diplomatët – për të synuar elitat që mund të ndikojnë në ndryshimin e politikave, shkruan FT.

Zona e përbashkët e vizave Shengen përfshin 22 nga 28 shtetet anëtare të BE, si dhe Islanda, Lihtenshtajni, Norvegjia dhe Zvicra. Rreth 14 milion viza Shengen u janë lëshuar udhëtarëve në BE në vitin 2016./Monitor/

a.m/Shqiptarja.com

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  63.5%

• Negativisht

  28.1%

• Nuk kam mendim

  8.4%

Vota total: 1416

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim