POP 5

Lajmet më të lexuara të 5 minutave të fundit

Arkiva

BE, masa kundër vendeve
që nuk pranuan emigrantë

Komisioni Europian do të proçedojë për shkelje kontrate Hungarinë, Republikën Çeke dhe Poloninë, 3 nga vendet që refuzuan të strehojnë emigrantë.
BE, masa kundër vendeve<br />që nuk pranuan emigrantë
Komisioni Europian do të proçedojë për shkelje kontrate Hungarinë, Republikën Çeke dhe Poloninë, 3 nga vendet që refuzuan të strehojnë emigrantë.

Gjatë vitit 2015 blloku vendosi të pranonte rreth 160 mijë të ardhur,të cilët do të shpërndaheshin në vendet anëtare bazuar në një sistem kuotash. Ndërkohë detyrimi ligjor u përball me rezistencën e disa shteteve të Europës Qëndrore dhe Lindore.

Hungaria dhe Polonia nuk pranoi asnjë refugjat ndërsa Republika Çeke lejoi vitin e kaluar vetëm 12 refugjatë, ndërkohë që këtë muaj bëri të ditur se do të largohet përfundimisht nga marrëveshja duke përmendur arsyet e sigurisë.

Komisioneri i Çështjeve të Brëndshme të Emigracionit Dimitris Avramopoulos  ngriti akuza ndaj Budapestit, Varshavës dhe Pragës për nëpërkëmbje të solidaritetit europian.

“E them me keqardhje se, pavarësisht thirrjeve tona, të trija këto vende nuk e kanë aplikuar detyrimin ligjor. Për këtë arsye, Komisioni Europian vendosi të nisë procedurat ndaj shkeljeve të kryera prej tyre. Shpërndarja mund të funksionojë vetëm nëse të gjithë në BE marrin përsipër përgjegjësinë e tyre. Nuk ka përjashtime. Europa nuk do të thotë vetëm të përfitosh parà, ose të garantosh sigurinë. Bëhet fjalë edhe për solidaritet dhe përgjegjësi politike”, tha Dimitris Avramopoulos, Komisioner europian i Emigracionit. 

Kryeministri çek Bohuslav Sobotka e ka kundërshtuar  lëvizjen e komisionit, duke i cilësuar kuotat si jofunksionale dhe ulin besimin  e qytetarëve në aftësitë e BE-së.

Gjithashtu edhe qeveria hungareze ka bërë të njohur kundërshtimin ndaj këtij vendimi. Budapesti,sipas Ministrit të Jashtëm Peter Zsijjarto e konsideron këtë si “presion ndaj tij” nisjen e proçesit për shkelje të kontratës.

Nga të dhënat e Komisionit nga 160 mijë azilkërkues vetëm 20.869 janë shpërndarë në vendet e bllokut. Pjesa më e madhe e refugjatëve nga Afrika qëndrojnë në kampet e ishujve të Lampeduzës.




Redaksia online 
D.M/Shqiptarja.com

  • Sondazhi i ditës:

    Kush mendoni se qëndron mbrapa sulmit ndaj Top Channel?

Lajme të tjera



×

Lajmi i fundit

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

27 Mars, 22:57