BE, mbi 1 mln euro për shoqërinë civile

Mbi një milionë euro do të financohen nga Bashkimi Europian për forcimin e kapaciteteve të Organizatave të Shoqërisë Civile në vend. Dy projektet që do të financohen nga BE kanë si qëllim luftën kundër korrupsionit në njësitë e qeverisjes vendore. Këto dy projekte do të implementohen nga viti 2016-2018 dhe do të shpërndahen për të gjitha organizatat që kanë si fokus të tyre vëzhgimin dhe monitorimin e punës së bashkive të vogla dhe të mesme. Projketi CIVILISC do të implementohet në 20 bashki të vogla dhe të mesme, ndërkohë që projekti PACT do të implementohet në 15 bashki të zonës veriore të vendit.