Bashkimi Evropian ka miratuar sot liberalizimin e vizave për qytetarët e Ukrainës.
 
Përfaqësues të Këshillit Evropian dhe të Parlamentit Evropian do të vulosin vendimin në Strasburg, më 17 maj, ndërsa regjimi pa viza për Ukrainën do të hyjë në fuqi më 11 qershor.
 
Ata do të mund të hyjnë pa viza në të gjitha shtetet e BE-së, përveç Irlandës dhe Britanisë, dhe do të mund të qëndrojnë deri në 90 ditë në një periudhë 180 ditëshe.
 
Vendimi iu vlen edhe për katër shtete që nuk janë në zonën e lëvizjes së lirë Shëngen: Norvegji, Islandë, Lihtenshtajn dhe Zvicër.
 
Redaksia Online
B.B/Shqiptarja.com