Ajo ka bërë të ditur 12 prioritetet e BE-së, mes prioriteteve, Mogherini ka vendosur edhe integrimin europian të Shqipërisë.
Në një shkrim të botuar në blogun e saj zyrtare, ajo thekson se qasja e popujve të Ballkanit në tregun e punës së vendeve anëtare do të jetë një nga 12 prioritetet, ku në secilin muaj, do të realizohet njëri.
Në lidhje me Shqipërinë, Mogherini përmend vizitën e saj në duke e shoqëruar edhe me një video të fjalimit të saj para deputetëve shqiptar.
“Është e gjatë lista e momenteve të rëndësishme të 2016-s për raportet me Ballkanin. Kërkesa për anëtarësim e Bosnjë-Hercegovinës, hapja e kapitujve të rinj të negociatave të Serbisë, i pari “Këshill i Stabilizim Asociimit me Kosovën, miratimi i reformës në drejtësi në Shqipëri pas 6 muajsh punë e përbashkët, që hap një fazë të re të integrimit të saj në BE. Është privilegj për mua që kam folur përpara parlamentit në Tiranë. Ballkani është në zemër të Europës dhe e ardhmja e tij është në BE. Puna vazhdon për të zbutur plagët e së kaluarës për t’ju përgjigjur kërkesës për punë, në mënyrë të integruar dhe hapja e dritës jeshile sidomos për të rinjtë e këtij rajoni”, shkruan shefja për politikën e Jashtme në BE, Federica Mogherini.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)