POP 5

Lajmet më të lexuara të 5 minutave të fundit

Politikë

Begaj me shqiptarët e Bosnjë Hercegovinës: Mbështetje për të drejtat, ashtu si minoriteti boshnjak në Shqipëri

Gjatë vizitës zyrtare në Sarajevë, Presidenti i Republikës së Shqipërisë, Bajram Begaj, zhvilloi një takim të veçantë me shqiptarët që jetojnë në Bosnjë dhe Hercegovinë.

Begaj me shqiptarët e Bosnjë Hercegovinës: Mbështetje për të drejtat, ashtu si minoriteti boshnjak në Shqipëri

Presidenti Bajram Begaj takim me shqiptarët në Bosnjë dhe Hercegovinë

Gjatë vizitës zyrtare në Sarajevë, Presidenti i Republikës së Shqipërisë, Bajram Begaj, zhvilloi një takim të veçantë me shqiptarët që jetojnë në Bosnjë dhe Hercegovinë.

Komuniteti i përfaqësuar në Sarajevë e Mostar nga shoqata “Bashkësia Shqiptare në Bosnjë dhe Hercegovinë” ndau me Presidentin e Shqipërisë shqetësimet për çështjen e respektimit të të drejtave të plota si pakicë.

"Gjithashtu, Presidenti Begaj përgëzoi përpjekjet për ruajtjen e gjuhës, traditave, identitetit kombëtar, ndërsa siguroi se do të jetë krah shqiptarëve në Bosnjë dhe Hercegovinë në mënyrë që ata t’i gëzojnë këto të drejta, ashtu si minoriteti boshnjak dhe serb në Shqipëri", njoftoi sot zyra e shtypit të Presidencës.

Presidenti Begaj vlerësoi integrimin natyror të komunitetit shqiptar në shoqërinë e Bosnjë- Hercegovinës, duke u zotuar për adresimin e shqetësimeve të tyre.

Rihapja e ambasadave përkatëse nga të dyja shtetet u konsiderua një lajm i mirë për ndihmën që do t’i japë këtij komuniteti.

Shqiptarët në Bosnjë dhe Hercegovinë nuk përfshihen në tre grupet etnike me të drejtë përfaqësimi në vendimmarrje dhe ky kategorizim i penalizon ata nga pjesëmarrja në politikë, në strukturat lokale dhe ato qendrore.

Presidenti Begaj u shpreh gjatë bashkëbisedimit me komunitetin shqiptar se këtë shqetësim e ka ngritur gjatë takimeve që zhvilloi me Presidentin e radhës së Bosnjë Hercegovinës, anëtarët e Presidencës dhe Kryeministren e vendit.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcojnë besimin tuaj tek SPAK arrestimet e Metës e Çyrbjas?

Lajme të tjera



×

Lajmi i fundit

Një ditë e mirë për të reflektuar mbi marrëdhëniet tuaja, horoskopi për sot

Një ditë e mirë për të reflektuar mbi marrëdhëniet tuaja, horoskopi për sot

28 Tetor, 07:15