Pesidenti Bajram Begaj, zhvilloi sot një vizitë në Shijak, ku u takua me autoritetet vendore, qytetarë, nxënës e mësues. Kryetari i Bashkisë, Elton Arbana, i uroi mirëseardhjen Kreut të Shtetit dhe u shpreh se kjo është hera e parë që një Presidet i Republikës zhvillon një vizitë zyrtare në Shijak.
“Falënderoj Presidentin për vëmendjen që tregoi ndaj qytetit tonë, qytetit të parë që përfundoi procesin e rindërtimit në Shqipëri pas tërmetit”, - deklaroi kryebashkiaku i Shijakut.
Presidenti Begaj vizitoi shkollat e rindërtuara, të pajisura me ambiente dhe mjete bashkëkohore për nxënësit, përfshirë edhe laboratorë për praktikat, por dhe me metoda të reja të mësimdhënies, klube artistike dhe profesionale. Presidenti zhvilloi një bashkëbsedim me nxënësit dhe arsimtarët e shkollave 9-vjeçare dhe të mesme, ku u njoh me problematikat dhe mbarëvajtjen e procesit arsimor. Gjatë këtij takimi Presidenti Begaj u bëri thirrje nxënësve të vlerësojnë dhe respektojnë mësuesit sikundër respektojnë familjet e tyre. Veç rëndësisë së respektimit të figurës së mësuesit, Presidenti, gjithashtu, vlerësoi përkushtimin e tyre në edukim dhe mësimdhënie.
“Nëse ne jemi frymëzyes, e nesërmja ka më shumë shpresë”, - u shpreh Presidenti Begaj, duke theksuar domodsoshmërinë e arsimit cilësor në përgatitjen e brezave.
Në vijim të nismës për librin shqip, Presidenti i Republikës dhe Zonja e Parë dhuruan për bibliotekat e tri shkollave në Shijak rreth 150 tituj didaktikë dhe letrarë. Begaj theksoi, gjithashtu, rëndësinë që ka arsimi profesional për të rinjtë, si një mundësi për të ndërtuar të ardhmen në Shqipëri. Një model i tillë ishin edhe dy biznese të vogla në qendër të qytetit, të cilat funksinojnë prej dekadash si trashëgim familjar. Presidenti takoi një orëndreqëse, e cila profesionin e trashegoi nga i ati, që hapi dyqanin para 75 vjetësh dhe po ashtu një pastiçeri , që ofron ëmbëlsira cilësore që nga viti 1985, të prodhuara në mënyrë artizanale.
Gjatë vizitës në Shijak, Presidenti Begaj ndoqi dhe një ekspozitë të vëllezërve piktorë Faja, të bijtë e artistit emblemë të këtij qyteti,“ Piktorit të Merituar”, Agim Faja. Ekspozita “Ç’po luftojnë siç u ka hije, burrat trima t’ksaj nahije”, i dedikohet rolit dhe kontributit të luftëtarëve të kësaj zone në 110- vjetorin e Luftës së Shkodrës.
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Data për zgjedhjet 2025/ PD refuzon ftesën e Presidentit: Konsultime farsë! PL: S’pranojmë datën e caktuar nga Balla! Basha: Rëndësi ka standardi (VIDEO)
21 Nëntor, 10:03
-
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38
