Bëhet ‘nami’ me gjoba në Elbasan, në një javë 1395 masa administrative për shoferët! 8 në pranga  

Gjatë një jave Policia Rrugore Elbasan ka ndëshkuar me gjobë 1395 shoferë, për shkelje të rregullave të qarkullimit. Ndërsa 8 drejtues mjetesh janë vënë në pranga për drejtim të mjetit në gjendje të dehur ose pa patentë.

Nga kontrollet intensive të kryera me qëllimin parandalimin e aksidenteve rrugore, efektivë të Policisë Rrugore kanë evidentuar raste të shumta shkeljesh.

Vetëm gjatë javës që lamë pas, janë arrestuar 8 drejtues mjetesh dhe motorësh, për drejtim të mjetit, në gjendje të dehur ose pa leje drejtimi.

Ndërsa janë ndëshkuar me gjobë 1395 shoferë:

• 843 drejtues mjetesh, për qarkullim me shpejtësi tej normave të lejuara;

• 322 drejtues mjetesh, për parakalime të gabuara;

• 167 drejtues mjetesh, për përdorim të celularit, gjatë drejtimit të mjetit;

• 63 drejtues motomjetesh për mosvendosje të kaskës mbrojtëse.

M.T/r.k./Shqiptarja.com

TAG:
• policia rrugore
• Elbasan
• gjoba
• shofere